செப்.26, 27-ல் ராசிபுரத்தில் இலவச மருத்துவ முகாம்

சென்னை ஸ்ரீ ராமச்சந்திரா மருத்துவமனை, மருத்துவப் பல்கலைக்கழகம் சார்பில் ராசிபுரத்தில் வரும் செப்.26, 27-ஆம் தேதிகளில் இலவச பல்துறை மருத்துவ முகாம் நடைபெற உள்ளது.

ஸ்ரீ ராமச்சந்திரா மருத்துவக் கல்லூரி நிறுவனர் ராமசாமி உடையாரின் நினைவாக அவரது சொந்த ஊரான ராசிபுரத்தில் ஆண்டு தோறும் இலவச மருத்துவ முகாம் நடைபெறுகிறது. ராசிபுரம் பூவாயம்மாள் திருமண மண்டபத்தில் நடைபெறும் இம்முகாமில் இருதய நோய் மருத்துவர் எஸ்.தணிகாசலம், சிறுநீரக, பொது, பல், நரம்பியல், தோல் மற்றும் குழந்தைகள் நல மருத்துவர்கள் முகாமில் பங்கேற்று இலவசப் பரிசோதனை மேற்கொள்வர். முகாமில் பங்கேற்போர், பூவாயம்மாள் திருமண மண்டபத்தில் முன்பதிவு செய்து கொள்ள வேண்டும்.