மாநகராட்சிகளில் 24 மணிநேரமும் தடையற்ற குடிநீர்! முதல்வர் விஜய் உத்தரவுஓமன் கடல்பகுதியில் தீப்பிடித்த எண்ணெய்க் கப்பல்: 24 மாலுமிகளை மீட்ட இந்திய கடற்படை!பங்குச் சந்தை சரிவு எதிரொலி: முதலீட்டாளர்களுக்கு ரூ. 6.31 லட்சம் கோடி இழப்பு!இந்தியா கூட்டணி ஆலோசனை கூட்டத்தில் இடம்பிடித்த கரப்பான் பூச்சி கட்சி!எம்.எல்.ஏ., எம்.பி.யை பாஜக வாங்கலாம்! மக்களை வாங்க முடியாது - காங்கிரஸ் என் பெயர், புகைப்படத்தை பயன்படுத்த வேண்டாம் : அண்ணாமலைபிலிப்பின்ஸில் பயங்கர நிலநடுக்கம்: பலி 32-ஆக உயர்வு!
/

இளம்பெண்ணிடம் ஆசை வார்த்தை கூறி ஏமாற்றியதாக புகார்: ஒருவர் கைது

பரமத்தி வேலூர் அருகே இளம்பெண்ணிடம் திருமணம் செய்து கொள்வதாக ஆசை வார்த்தை கூறி பழகி ஏமாற்றியதாக

Updated On :5 நவம்பர் 2018, 8:57 am IST

பரமத்தி வேலூர் அருகே இளம்பெண்ணிடம் திருமணம் செய்து கொள்வதாக ஆசை வார்த்தை கூறி பழகி ஏமாற்றியதாக பரமத்தி வேலூர் அனைத்து மகளிர் காவல் நிலையத்தில் இளம் பெண் அளித்த புகாரின் அடிப்படையில், இளைஞரின் தந்தையை கைது செய்து தலைமறைவான தாய் மற்றும் இளைஞரை தேடி வருகின்றனர்.
நாமக்கல் மாவட்டம், மோகனூர் அருகே உள்ள ஒருவந்தூர் பகுதியைச் சேர்ந்த 26 வயதான இளம்பெண் ஒருவர் பரமத்தி வேலூர் அனைத்து மகளிர் காவல் நிலையத்தில் அளித்துள்ள புகாரில் கூறியுள்ளதாவது:  நான் கரூரில் உள்ள ஆலையில் பணிபுரிந்து வருகிறேன்.  பரமத்தி வேலூர் அருகே உள்ள குப்புச்சிபாளையத்தில் உள்ள பெரியம்மா வீட்டுக்கு வந்து செல்லும் போது,  பொத்தனூரைச் சேர்ந்த நல்லுசாமி மகன் சரண் (எ) சரண்ராஜூக்கும் (28)  எனக்கும் கடந்த 6 மாதங்களாக பழக்கம் ஏற்பட்டது.  அப்போது அவர் என்னை திருமணம் செய்து கொள்வதாகக் கூறி ஏமாற்றிச் சென்றதாகவும், இது குறித்து அவரது வீட்டுக்குச் சென்று கேட்டபோது,  சரண்ராஜின் பெற்றோர் எனக்கு கொலை மிரட்டல் விடுத்தனர். 
எனவே அவர்கள் மீது நடவடிக்கை எடுக்க வேண்டும் என புகார் அளித்துள்ளார்.  புகாரின் அடிப்படையில் பரமத்தி வேலூர் அனைத்து மகளிர் காவல்துறையினர் வழக்குப் பதிவு செய்து, சரண்ராஜின் தந்தை நல்லுசாமியைக் கைது செய்து,  விசாரணை நடத்தி வருகின்றனர்.  மேலும், தலைமறைவான சரண்ராஜ் மற்றும் அவரது தாய் தங்கம்மாளைத் தேடி வருகின்றனர்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.