நாமக்கல்லில் நாளை தனியார்துறை வேலைவாய்ப்பு முகாம்

நாமக்கல்லில் தனியார்த் துறை வேலைவாய்ப்பு முகாம் வரும் வெள்ளிக்கிழமை நடைபெறுகிறது.
இதுகுறித்து நாமக்கல் மாவட்ட ஆட்சியர் மு. ஆசியா மரியம் வெளியிட்ட செய்திக் குறிப்பு:
தனியார் துறை நிறுவனங்களும் மற்றும் தனியார் துறையில் பணிபுரிய விருப்பம் உள்ள மனுதாரர்களும் நேரடியாக சந்திக்கும் தனியார் துறை வேலைவாய்ப்பு முகாம் நாமக்கல் மாவட்ட வேலைவாய்ப்பு அலுவலகத்தில் வரும் வெள்ளிக்கிழமை நடைபெறுகிறது.
முகாமில் பல்வேறு தனியார் நிறுவனங்கள் கலந்து கொண்டு விற்பனையாளர், விற்பனை பிரதிநிதி, கண்காணிப்பாளர், மேலாளர், கணினி இயக்குபவர், காசாளர், தட்டச்சர், மெக்கானிக்,  விற்பனை உதவி கண்காணிப்பாளர், இரவுக் காவலர் மற்றும் ஆசிரியர் போன்ற பணிகளுக்கு டிப்ளமோ, பட்டப் படிப்பு மற்றும் பள்ளிப் படிப்பு பி.எட்., முடித்த ஆண், பெண் மற்றும் அனைத்துவித கல்வித் தகுதிக்கும் தகுதியானவர்களை தனியார்துறை நிறுவனங்கள் தேர்வு செய்கின்றன.
இந்தப் பணிகளுக்குத் தகுதியும், விருப்பமும் உள்ள நபர்கள் அனைவரும் வரும் வெள்ளிக்கிழமை காலை 10.30 மணிக்கு நாமக்கல் மாவட்ட வேலைவாய்ப்பு அலுவலகத்தில் நடைபெறவுள்ள தனியார் துறை வேலைவாய்ப்பு முகாமில் கலந்து கொண்டு பயன்பெறலாம்.
இதுதவிர இதர கல்வித்தகுதிகள் உடையோரும் தகுந்த பணியிடங்களுக்குப் பரிசீலிக்கப்படுவர்.