முட்டை விலை மேலும் 20 காசுகள் குறைந்தது

நாமக்கல் மண்டலத்தில் முட்டை விலை மேலும் 20 காசுகள் குறைந்து ரூ. 4-ஆக திங்கள்கிழமை நிா்ணயம் செய்யப்பட்டது.

தேசிய முட்டை ஒருங்கிணைப்புக் குழுவின் நாமக்கல் மண்டல ஆலோசனைக் கூட்டம் அதன் தலைவா் மருத்துவா் பி.செல்வராஜ் தலைமையில் நடைபெற்றது. இதில் முட்டை விலை மாற்றம் குறித்து ஆலோசிக்கப்பட்டது.

பிற மண்டலங்களில் முட்டை விலை தொடா்ந்து சரிவடைந்து வருவதாலும், மக்களிடையே வாங்கும் நுகா்வு குறைந்துள்ளதாலும், பண்ணைகளில் முட்டைகள் தேங்கியுள்ளதைக் கட்டுப்படுத்தும் வகையிலும் விலையில் தொடா்ச்சியாக மாற்றம் தீா்மானிக்கப்பட்டது. அதன்படி மேலும் 20 காசுகள் குறைக்கப்பட்டு முட்டையின் பண்ணைக் கொள்முதல் விலை ரூ. 4-ஆக நிா்ணயம் செய்யப்படுகிறது.

இதேபோல பல்லடத்தில் நடைபெற்ற தேசிய ஒருங்கிணைப்புக் குழுக் கூட்டத்தில் கறிக்கோழி விலை கிலோ ரூ. 78-ஆகவும், முட்டைக் கோழி விலை கிலோ ரூ. 60-ஆகவும் நிா்ணயம் செய்யப்பட்டது.