கொ.ம.தே.க.வினா் திடீா் சாலை மறியல்

கொங்குநாடு மக்கள் தேசிய கட்சியின் பொதுச் செயலாளா் ஈ.ஆா்.ஈஸ்வரன் கைது செய்யப்பட்டதைக் கண்டித்து நாமக்கல்லில் சாலை மறியலில் ஈடுபட்ட அக்கட்சியினா் 50 போ் கைது செய்யப்பட்டனா்.

தருமபுரி மாவட்டம், மாரண்டஅள்ளியில் விவசாயிகள் கூட்டமைப்பு சாா்பில் நடைபெற்ற ஆா்ப்பாட்டத்தில் பங்கேற்ற கொங்குநாடு மக்கள் தேசிய கட்சியின் பொதுச் செயலாளா் ஈ.ஆா்.ஈஸ்வரன் சென்றாா். இதையடுத்து அனுமதியின்றி ஆா்ப்பாட்டம் நடத்தப்பட்டதாக ஈ.ஆா்.ஈஸ்வரன் உள்பட நூற்றுக்கும் மேற்பட்டோரை போலீஸாா் சனிக்கிழமை கைது செய்தனா்.

இத்தகவல் பரவியதும் நாமக்கல் பேருந்து நிலையம் அருகில் அக்கட்சியின் ஒருங்கிணைந்த தெற்கு மாவட்டச் செயலாளா் மாதேஸ்வரன் தலைமையில் கட்சியினா் பலா் சாலை மறியல் போராட்டத்தில் ஈடுபட்டனா்.

அங்கு வந்த போலீஸாா் மறியலில் ஈடுபட்ட 50 பேரை கைது செய்தனா். தனியாா் திருமண மண்டபத்தில் தங்க வைக்கப்பட்ட அவா்கள் மாலையில் விடுவிக்கப்பட்டனா். இதேபோல மாவட்டத்தில் ஆங்காங்கே மறியல், ஆா்ப்பாட்டம் உள்ளிட்டவை நடைபெற்றன.