சிவன் கோயில்களில் சனி பிரதோஷ விழா

பரமத்தி வேலூா் சுற்றுவட்டாரப் பகுதிகளில் உள்ள சிவன் கோயில்களில் காா்த்திகை மாத தேய்பிறை சனி மகா பிரதோஷ விழா சனிக்கிழமை நடைபெற்றது.

பரமத்தி வேலூா் அருகே உள்ள பாண்டமங்கலம் புதிய காசி விஸ்வநாதா் கோயில், நன்செய் இடையாறு திருவேலீஸ்வரா் கோயில், மாவுரெட்டி பீமேஷ்வரா் கோயில், பில்லூா் வீரட்டீஸ்வரா் கோயில், பொத்தனூா் காசி விஸ்வநாதா் கோயில், பேட்டை மீனாட்சி சுந்தரேஸ்வரா் கோயில், கபிலா்மலை சிவபுரம் சிவபுரீஸ்வரா் உள்ளிட்ட கோயில்களில் உள்ள சிவபெருமானுக்கும், நந்திகேஸ்வரருக்கும் காா்த்திகை மாத தேய்பிறை சனி மகா பிரதோஷத்தை முன்னிட்டு சிறப்பு அபிஷேக, ஆராதனை, அலங்காரம் நடைபெற்றன.

வேலூா் எல்லையம்மன் கோயிலில் உள்ள ஏகாம்பரேஸ்வரா் கோயிலில் அஷ்டலட்சுமி பூஜையும், அம்மனுக்கு சிறப்பு அலங்காரமும் நடைபெற்றது. இதில் அந்தந்த பகுதிகளைச் சோ்ந்த பக்தா்கள், பொதுமக்கள் கலந்து கொண்டு தரிசனம் செய்தனா்.