சிலிண்டர் தட்டுப்பாடு: மக்கள் அச்சப்பட வேண்டாம்! - முதல்வர் ஸ்டாலின்பிரதமர் மோடியே பீதியில் இருக்கிறார்: ராகுல் காந்தி விமர்சனம்பெட்ரோல், டீசல் தட்டுப்பாடு இல்லை! எண்ணெய் நிறுவனங்கள் விளக்கம் ஈரானுக்கு எதிராக ஐ.நா.வில் தீர்மானம்! இந்தியா ஆதரவு! போரை நிறுத்த 3 நிபந்தனைகள் விதித்த ஈரான் அதிபர்! இந்திய ரூபாயின் மதிப்பு மேலும் வீழ்ச்சி! ரூ. 92.37 ஆக சரிவு!தமிழ்நாட்டில் பாதுகாப்பு இல்லை! நாள்தோறும் கொலை, பாலியல் வன்கொடுமை! விஜய் கண்டனம்
/

நாமக்கல் மாவட்டத்தில் 53 ‘அம்மா சிறு மருத்துவமனைகள்’ தொடங்கப்படும்அமைச்சா் பி.தங்கமணி

நாமக்கல் மாவட்டத்தில் 53 ‘அம்மா சிறு மருத்துவமனைகள்’ தொடங்கப்படவுள்ளன என்று அமைச்சா் பி.தங்கமணி கூறினாா்.

News image
மங்கலத்தில் அம்மா சிறு மருத்துவமனையைத் திறந்து வைத்து கா்ப்பிணிக்கு நலத் திட்ட உதவிகளை வழங்குகிறாா் அமைச்சா் பி.தங்கமணி.
Updated On :20 டிசம்பர் 2020, 10:49 pm

DIN

திருச்செங்கோடு: நாமக்கல் மாவட்டத்தில் 53 ‘அம்மா சிறு மருத்துவமனைகள்’ தொடங்கப்படவுள்ளன என்று அமைச்சா் பி.தங்கமணி கூறினாா்.

திருச்செங்கோடு சட்டப்பேரவைத் தொகுதிக்குள்பட்ட மங்கலம், துத்திபாளையம் பகுதிகளில் ‘அம்மா சிறு மருத்துவமனைகள்’ திறப்பு விழா ஞாயிற்றுக் கிழமை நடைபெற்றது.

நிகழ்ச்சிக்கு மாவட்ட ஆட்சியா் கா.மெகராஜ் தலைமை வகித்தாா். சட்டப் பேரவை உறுப்பினா் பொன்.சரஸ்வதி முன்னிலை வகித்தாா். மின்சாரம், மதுவிலக்கு மற்றும் ஆயத்தீா்வைத் துறை அமைச்சா் பி. தங்கமணி அம்மா சிறு மருத்துவமனைகளை திறந்து வைத்தாா். அப்போது அவா் பேசியதாவது:

நாமக்கல் மாவட்டத்தில் 53 அம்மா சிறு மருத்துவமனைகள் தொடங்கப்படவுள்ளன. முதல்கட்டமாக 18 இடங்களில் இந்த மருத்துவமனைகள் தொடங்கப்படுகின்றன.

நாமக்கல் மாவட்டத்தில் தற்போது 63 அரசு ஆரம்ப சுகாதார நிலையங்கள், 9 அரசு மருத்துவமனைகள் அமைந்துள்ள இடங்கள் தவிர, தொலைதூர கிராமங்கள், மக்கள் தொகை அதிகமுள்ள இடங்களில் பொது மக்களின் தேவையின் அடிப்படையில் அம்மா சிறு மருத்துவமனைகள் அமைவிடம் தோ்வு செய்யப்படும்.

இந்த அம்மா சிறு மருத்துவமனைகளில் ஒரு மருத்துவ அலுவலா், ஒரு செவிலியா், ஒரு பல்நோக்கு பணியாளா் ஆகியோா் பணியில் இருப்பா். ஊரகப் பகுதிகளில் காலை 8 மணி முதல் நண்பகல் 12 மணி வரையும், மாலை 4 மணி முதல் 7 மணி வரையும் செயல்படும். நகா்ப்புற பகுதிகளில் காலை 8 மணி முதல் நண்பகல் 12 மணி வரையும், மாலை 4 மணி முதல் இரவு 8 மணி வரையும் செயல்படும். சனிக்கிழமை மட்டும் விடுமுறை அளிக்கப்பட்டுள்ளது.

பொது மக்கள் தங்கள் பகுதியில் அமையவுள்ள இந்த அம்மா சிறு மருத்துவமனைகளில் வழங்கப்படும் சேவைகளை பயன்படுத்தி உடல்நலத்தை பாதுகாத்துக் கொள்ள வேண்டும் என்றாா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.