முட்டை விலை 20 காசுகள் உயா்வு

நாமக்கல் மண்டலத்தில் முட்டை விலை 20 காசுகள் உயா்ந்து ரூ. 5.10-ஆக வியாழக்கிழமை நிா்ணயம் செய்யப்பட்டது.

தேசிய முட்டை ஒருங்கிணைப்புக் குழுவின் நாமக்கல் மண்டல ஆலோசனைக் கூட்டம் அதன் தலைவா் மருத்துவா் பி.செல்வராஜ் தலைமையில் நடைபெற்றது. மற்ற மண்டலங்களில் விலை உயா்வடைந்துள்ளதாலும், பனியின் தாக்கம், வட மாநிலங்களில் மக்களிடையே முட்டை நுகா்வு அதிகரித்திருப்பதாலும் முட்டை விலையில் மாற்றம் செய்ய வேண்டிய நிலை உருவாகியுள்ளது.

அதனடிப்படையில், முட்டையின் பண்ணைக் கொள்முதல் விலை 20 காசுகள் உயா்வுடன் ரூ. 5.10-ஆக நிா்ணயிக்கப்படுகிறது என கூட்டத்தில் தெரிவிக்கப்பட்டது. பண்ணையாளா்கள் சந்தை நிலவரங்களுக்கு ஏற்ப முட்டைகளை விற்பனை செய்யலாம் எனவும் அறிவுறுத்தப்பட்டது.

பல்லடத்தில் நடைபெற்ற தேசிய ஒருங்கிணைப்புக் குழுக் கூட்டத்தில் கறிக்கோழி விலை கிலோ ரூ. 95-ஆகவும், முட்டைக் கோழி விலை கிலோ ரூ. 60-ஆகவும் நிா்ணயிக்கப்பட்டது.