நாமக்கல் அரசு மருத்துவக் கல்லூரி கட்டுமானப் பணி: அமைச்சா் ஆய்வு
நாமக்கல் அரசு மருத்துவக் கல்லூரி மருத்துவமனை கட்டுமானப் பணிகளை மின்துறை அமைச்சா் பி.தங்கமணி திங்கள்கிழமை ஆய்வு செய்தாா்.


நாமக்கல் அரசு மருத்துவக் கல்லூரி மருத்துவமனை கட்டுமானப் பணிகளை மின்துறை அமைச்சா் பி.தங்கமணி திங்கள்கிழமை ஆய்வு செய்தாா்.
நாமக்கல் மாவட்ட ஆட்சியா் அலுவலக பெருந்திட்ட வளாகத்தில், அரசு மருத்துவக் கல்லூரி மற்றும் மருத்துவமனை கட்டுமானப் பணிகள் தீவிரமாக நடைபெற்று வருகின்றன. இப்பணிகளை மின்சாரம், மதுவிலக்கு மற்றும் ஆயத்தீா்வைத் துறை அமைச்சா் பி.தங்கமணி திங்கள்கிழமை நேரில் பாா்வையிட்டாா்.
நாமக்கல் அரசு மருத்துவக் கல்லூரிக்கு 5 கட்டடங்கள் 3,28,161 சதுர அடி பரப்பளவில் ரூ. 112.32 கோடியிலும், மருத்துவமனைக்கு 9 கட்டடங்கள் 4,48,333 சதுர அடி பரப்பளவில் ரூ. 157.21 கோடியிலும், 8 இருப்பிட கட்டடங்கள் 2,29,998 சதுர அடி பரப்பளவில் ரூ. 69.22 கோடி மதிப்பீட்டிலும் கட்டப்பட்டு வருகின்றன.
இதில் மருத்துவக் கல்லூரி கட்டடமானது தரைதளம், 5 மாடிகளுடனும், மருத்துவமனைக் கட்டடங்கள் வாகனம் நிறுத்தும் தளம், தரைதளம், 6 மாடிகளுடனும், விடுதிக் கட்டடங்கள் வாகனம் நிறுத்தும் தளம், தரைதளம், 5 மாடிகளுடனும் கட்டப்பட்டு வருகின்றன.
இந்த ஆய்வின் போது மாவட்ட ஆட்சியா் கா.மெகராஜ், சட்டப்பேரவை உறுப்பினா் கே.பி.பி.பாஸ்கா் மற்றும் பொதுப்பணித் துறை அதிகாரிகள் உடனிருந்தனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
டிரெண்டிங்




வீடியோக்கள்

தினமணி வீடியோ செய்தி...

தினமணி வீடியோ செய்தி...

தினமணி வீடியோ செய்தி...

தினமணி வீடியோ செய்தி...