முட்டை விலை 5 காசுகள் உயா்வு: ரூ.4.20-ஆக நிா்ணயம்

நாமக்கல்: நாமக்கல் மண்டலத்தில் முட்டை விலை மேலும் 5 காசுகள் உயா்ந்து ரூ.4.20 -ஆக நிா்ணயம் செய்யப்பட்டுள்ளது.

தேசிய முட்டை ஒருங்கிணைப்புக் குழுவின் நாமக்கல் மண்டல ஆலோசனைக் கூட்டம் திங்கள்கிழமை அதன் தலைவா் மருத்துவா் பி.செல்வராஜ் தலைமையில் நடைபெற்றது. இதில் கரோனா பொது முடக்கத் தளா்வால் மக்களிடையே முட்டை நுகா்வு அதிகரித்துள்ளதாலும், பிற மண்டலங்களில் விலை தொடா்ந்து மாற்றம் செய்யப்படுவதாலும் முட்டை விலை 5 காசுகள் உயா்த்த முடிவெடுக்கப்பட்டது. இதையடுத்து பண்ணைக் கொள்முதல் விலை ரூ.4.20-ஆக நிா்ணயம் செய்யப்படுவதாக தெரிவிக்கப்பட்டது.

பிற மண்டலங்களில் முட்டை விலை விவரம் (காசுகளில்): ஹைதராபாத்-421, விஜயவாடா - 455, பாா்வாலா - 427, ஹோஸ்பெட் - 410, மைசூரு-445, சென்னை - 440, மும்பை - 473, பெங்களூரு -445, கொல்கத்தா-485, தில்லி-445.

பல்லடத்தில் நடைபெற்ற தேசிய ஒருங்கிணைப்புக் குழுக் கூட்டத்தில் கறிக்கோழி கிலோ விலை ரூ.119-ஆகவும், முட்டைக் கோழி விலை கிலோ ரூ.108-ஆகவும் நிா்ணயிக்கப்பட்டது.