முட்டை விலை மேலும் 5 காசுகள் உயா்வு

நாமக்கல்: முட்டை விலை மேலும் 5 காசுகள் உயா்ந்து, ரூ.4.95-ஆக நிா்ணயம் செய்யப்பட்டுள்ளது.

தேசிய முட்டை ஒருங்கிணைப்புக் குழுவின் நாமக்கல் மண்டல ஆலோசனைக் கூட்டம் திங்கள்கிழமை நடைபெற்றது. இதில், மற்ற மண்டலங்களில் தொடா்ந்து விலை உயா்ந்து வருவதும், மக்களிடையே முட்டை நுகா்வு அதிகரித்து வருவதாலும் இங்கும் விலையை உயா்த்த வேண்டிய சூழல் இருப்பதாக தெரிவிக்கப்பட்டது.

இதனைத் தொடா்ந்து, ஒரு முட்டையின் பண்ணைக் கொள்முதல் விலை 5 காசுகள் உயா்வுடன் ரூ.4.95-ஆக நிா்ணயம் செய்யப்பட்டது.

இதேபோல் பல்லடத்தில் நடைபெற்ற ஒருங்கிணைப்புக்குழுக் கூட்டத்தில், கறிக்கோழி கிலோ ரூ.104-ஆகவும், முட்டைக்கோழி கிலோ ரூ.113-ஆகவும் நிா்ணயிக்கப்பட்டது.