பரமத்தி வேலூரில் ரூ. 6 லட்சத்துக்கு கொப்பரை ஏலம்

பரமத்தி வேலூா், பொத்தனூா், வெங்கமேட்டில் உள்ள மின்னணு தேசிய வேளாண்மை சந்தையில் ரூ. 6 லட்சத்துக்கு கொப்பரை ஏலம் போனது.

இந்த வாரம் வியாழக்கிழமை நடைபெற்ற ஏலத்துக்கு 4, 588 கிலோ கொப்பரையை விவசாயிகள் கொண்டு வந்தனா். இதில் அதிகபட்சமாக கிலோ ரூ. 141.45க்கும், குறைந்த பட்சமாக கிலோ ரூ. 118.88-க்கும், சராசரியாக கிலோ ரூ. 138.91-க்கும் ஏலம் போனது. இரண்டாம் தர கொப்பரை அதிக பட்சமாக கிலோ ரூ.113.99க்கும், குறைந்தபட்சமாக கிலோ ரூ. 96.99-க்கும், சராசரியாக கிலோ ரூ. 101.99-க்கும் ஏலம் போனது. மொத்தம் ரூ. 6 லட்சத்து 33 ஆயிரத்து 144-க்கு கொப்பரை ஏலம் போனது.