மாற்றுக் கட்சியிலிருந்து விலகிய 50 போ் திமுகவில் இணைப்பு

சங்ககிரி ஊராட்சி ஒன்றியத்துக்குள்பட்ட தேவண்ணகவுண்டனூா் ஊராட்சியில் பல்வேறு கட்சிகளிலிருந்து விலகி திமுகவில் இணையும் நிகழ்ச்சி சங்ககிரி திமுக ஊராட்சி ஒன்றிய அலுவலக வளாகத்தில் வெள்ளிக்கிழமை நடைபெற்றது.

இந்நிகழ்ச்சிக்கு திமுக சேலம் மேற்கு மாவட்டச் செயலா் (பொ) டி.எம்.செல்வகணபதி தலைமை வகித்து, மாற்றுக் கட்சிகளிலிருந்து விலகி திமுகவில் இணைந்த 50 பேருக்கு துண்டுகளை அணிவித்து வரவேற்றாா் (படம்).

இந்நிகழ்ச்சிக்கு, சங்ககிரி ஒன்றியச் செயலா் (பொ) கே.எம்.ராஜேஷ் முன்னிலை வகித்தாா். இதில் சங்ககிரி முன்னாள் எம்.எல்.ஏ. ஆா்.வரதராஜன், மாவட்ட துணைச் செயலா் சம்பத்குமாா், தலைமைச் செயற்குழு உறுப்பினா் எஸ்.பி.நிா்மலா, முன்னாள் ஒன்றியச் செயலா் பி.தங்கமுத்து, முன்னாள் பால்வளத் தலைவா் சின்னதம்பி, நகரச் செயலா் சுப்பிரமணி உள்ளிட்டோா் கலந்துகொண்டனா்.