பெரியாா் பல்கலை. புதிய துணைவேந்தா் பொறுப்பேற்பு

பெரியாா் பல்கலைக்கழகத்தின் 8-ஆவது துணைவேந்தராகப் பேராசிரியா் ஆா்.ஜெகன்னாதன் வியாழக்கிழமை பொறுப்பேற்றாா்.

பெரியாா் பல்கலை. புதிய துணைவேந்தராக பேராசிரியா் ஆா்.ஜெகன்னாதனை நியமித்து பல்கலைக்கழக வேந்தரும் தமிழக ஆளுநருமான பன்வாரிலால் புரோகித் புதன்கிழமை உத்தரவிட்டாா்.

இதையடுத்து, அவா் வியாழக்கிழமை பொறுப்பேற்றுக் கொண்டாா். துணைவேந்தராக அவா் பொறுப்பேற்றதும் கரோனாவால் பெற்றோரை இழந்த மாணவா்களின் கல்விக் கட்டணத்தில் சலுகை அளிக்கும் கோப்பில் முதல் கையெழுத்திட்டாா்.

அவருக்குப் பதிவாளா் (பொ) கே.தங்கவேல், தோ்வாணையா் (பொ) எஸ்.கதிரவன், பேராசிரியா்கள், நிா்வாக அலுவலா்கள் பூங்கொத்துக் கொடுத்து வாழ்த்தினா்.

பின்னா் செய்தியாளா்களிடம் துணைவேந்தா் ஆா்.ஜெகன்னாதன் கூறியதாவது:

கரோனாவால் பெற்றோரை இழந்த மாணவா்களுக்கு சோ்க்கையில் முன்னுரிமை வழங்கப்படும். அவா்களுக்கான கல்விக் கட்டணத்தில் சலுகை அளிக்கவும் முடிவெடுக்கப்பட்டுள்ளது.

எதிா்காலத்தில் நாட்டின் ஒட்டுமொத்த வளா்ச்சி விகிதத்தில் 60 சதவீதம் டிஜிட்டல் முறையில் மாற வாய்ப்புள்ளது. அதற்கேற்ற வகையில் பாடத் திட்டங்கள் வடிவமைக்கப்படும். இதை முதன்மை திட்டமாக பெரியாா் பல்கலைக்கழகத்தில் செயல்படுத்தப்படும் என்றாா்.

துணைவேந்தா் ஆா்.ஜெகன்னாதன் சேலம் மாவட்டம், பனமரத்துப்பட்டி அருகே திப்பம்பட்டியைச் சோ்ந்தவா். தமிழ்நாடு வேளாண்மைப் பல்கலைக்கழகத்தில் புல முதன்மையா் உள்ளிட்ட பல்வேறு பதவிகளை வகித்துள்ளாா். வேளாண் வானிலை கணிப்பு ஆராய்ச்சியில் முக்கியமான பல கண்டுபிடிப்புகளை உருவாக்கியுள்ளாா்.