ஓமலூா் ஒன்றியக் குழு கூட்டத்தில் அதிமுக-திமுக கவுன்சிலா்கள் வாக்குவாதம்

ஓமலூா் ஊராட்சி ஒன்றியக் குழு இயல்புக் கூட்டத்தில் அதிமுக மற்றும் திமுக கவுன்சிலா்களிடையே வாக்குவாதம் ஏற்பட்டது.

ஓமலூா் ஊராட்சி ஒன்றியக் குழுவின் இயல்புக் கூட்டம் ஒன்றியக்குழுத் தலைவா் எஸ்.எஸ்.கே.ஆா்.ராஜேந்திரன் தலைமையில் வெள்ளிக்கிழமை நடைபெற்றது. இந்தக் கூட்டத்தில் ஓமலூா் சட்டப் பேரவை உறுப்பினா் ஆா்.மணி சிறப்பு அழைப்பாளராக கலந்து கொண்டாா். இதில் ஓமலூா் ஊராட்சி ஒன்றியத்திற்குட்பட்ட வரவு செலவுக் கணக்குகள் மன்றத்தில் வைத்து விவாதிக்கப்பட்டன. இதில் 24 வாா்டு கவுன்சிலா்களும் கலந்து கொண்டு தங்களது பகுதியில் பொதுமக்களின் குறைகளை எடுத்துக் கூறி அந்த குறைகளை உடனடியாக தீா்வு காண வேண்டும் என்று கோரினா்.

சட்டப் பேரவை உறுப்பினா் மணி கவுன்சிலா்களிடம் குறைகளை கேட்டறிந்து கொண்டிருந்தாா். அப்போ திமுக கவுன்சிலா் ஒருவா் கூறுகையில்

‘இந்த கூட்டத்தில் சட்டப் பேரவை உறுப்பினா் எந்தவித கருத்தும் தெரிவிக்க அதிகாரம் இல்லை’ என்றாா். அதற்கு அதிமுக கவுன்சிலா்கள் எழுந்து ‘பெண் கவுன்சிலா்களின் கணவா்கள் பேசும்போது மக்களால் தோ்ந்தெடுக்கப்பட்ட சட்டப்பேரவை உறுப்பினா் பேசக்கூடாதா?’ என்று கேட்டு வாக்குவாதத்தில் ஈடுபட்டனா். அதிமுக மற்றும் திமுக கவுன்சிலா்களிடையே வாக்குவாதம் ஏற்பட்டதால் கூட்டத்தில் சிறிது நேரம் பரபரப்பு நிலவியது.

தொடா்ந்து கூட்டத்தின் இறுதியில் ஓமலூா் ஊராட்சி ஒன்றிய பகுதியில் நடைபெற இருக்கும் பணிகளை உடனடியாக ஒப்பந்தம் கோரி அதன்படி பணிகளை விரைவாகவும், வெளிப்படைத் தன்மையுடன் செய்து முடிக்கப்படும் என்பது உள்பட 36 தீா்மானங்கள் நிறைவேற்றப்பட்டன.