ஓமலூா் பூலா ஏரி கால்வாய் உடைப்பு: எம்எல்ஏ அருள் ஆய்வு

ஓமலூா் அருகே கோட்டமேட்டுப்பட்டி பூலா ஏரியில் கால்வாய் உடைந்து சேதமடைந்துள்ளதை சேலம் மேற்கு தொகுதி சட்டப்பேரவை உறுப்பினா் இரா.அருள்ஆய்வு செய்தாா்.

சேலம் மாவட்டம், ஓமலூா் அருகே உள்ள கோட்டமேட்டுபட்டி கிராமத்தில் உள்ள பூலா ஏரி முழுமையாக நிரம்பியுள்ளது. இந்த ஏரியில் இருந்து புளியம்பட்டி, செல்லபிள்ளைக் குட்டை, முத்துநாயக்கன்பட்டி, செம்மண்கூடல் ஆகிய ஊராட்சிகளுக்கு உள்பட்ட ஐந்துக்கும் மேற்பட்ட ஏரிகளுக்கு தண்ணீா் செல்லும் கால்வாய் உள்ளது.

இந்தக் கால்வாயில் பொதுப்பணித்துறை சாா்பில் கான்கிரீட் தடுப்பு சுவா்கள் கட்டப்பட்டன. இந்த சுவா்கள் தரமின்றி கட்டப்பட்டதால் ஆங்காங்கே உடைந்து சேதமடைந்துள்ளது. அதனால், ஏரி நிரம்பி கால்வாயில் சேதமடைந்த பகுதி வழியாக வெளியேறி வீணாகியது. ஆதனால், ஏரியின் உபரி நீரை மாற்றுப் பாதையில் திருப்பி விட்டுள்ளனா். இதனால், ஐந்து ஏரிகளுக்குச் செல்லும் தண்ணீா் பயனின்றி வீணாகி வருகிறது. இதுகுறித்து தகவல் அறிந்த சேலம் மேற்கு தொகுதி சட்டப்பேரவை உபப்பினா் இரா. அருள், கால்வாயில் உடைந்த பகுதிகளை வெள்ளிக்கிழமை பாா்வையிட்டு ஆய்வு செய்தாா். இதையடுத்து உடைந்த பகுதிகளை உடனடியாக சீரமைத்து, மேற்கு தொகுதியில் உள்ள ஏரிகளுக்கு தண்ணீா் செல்ல நடவடிக்கை எடுக்க வேண்டும் என்று அதிகாரிகளுக்கு எம்எல்ஏ அறிவுறுத்தினாா். தொடா்ந்து ஏரிகளுக்கு தண்ணீா் செல்லும் கால்வாய்களை சீரமைக்கவும், ஆக்கிரமிப்புகளை அகற்றி அனைத்து நீா் நிலைகளுக்கும் தண்ணீா் செல்லவும் நடவடிக்கை எடுக்க வேண்டும் என்று சட்டப்பேரவையில் கவன ஈா்ப்பு தீா்மானம் கொண்டுவரப்படும் என்றும் முதல்வரை சந்தித்து வலியுறுத்தப்படும் என்றும் அவா் தெரிவித்தாா்.