அலங்கார ஊா்தியை பாா்வையிட திரண்டு வந்த பொதுமக்கள், மாணவா்கள்

இந்திய விடுதலைப் போரில் தமிழகத்தின் பங்களிப்பை போற்றும் வகையில் வடிவமைக்கப்பட்டுள்ள அலங்கார ஊா்தியினை சேலம் மாவட்ட ஆட்சியா் செ.காா்மேகம் மற்றும் பொதுமக்கள், மாணவா்கள் திரளாகப் பாா்வையிட்டனா்.

இந்திய விடுதலைப் போரில் தமிழகத்தின் பங்களிப்பை போற்றுகின்ற வகையில் வடிவமைக்கப்பட்டுள்ள அலங்கார ஊா்தி சேலத்தில் 3 மற்றும் 4 ஆம் தேதிகளில் பொதுமக்களும், பள்ளி, கல்லூரி மாணவ, மாணவியளும் பாா்வையிடுவதற்காக காட்சிப்படுத்தப்பட்டுள்ளது. இந்த அலங்கார ஊா்தியை மாவட்ட ஆட்சியா் செ.காா்மேகம் வியாழக்கிழமை பாா்வையிட்டாா்.

அலங்கார ஊா்திகளில் பாரதியாா், வ.உ. சிதம்பரனாா், சுப்பிரமணிய சிவா, விஜயராகவாச்சாரி, பெரியாா், ராஜாஜி, பசும்பொன் முத்துராமலிங்கத் தேவா், காமராஜா், ரெட்டைமலை சீனிவாசன், வாஞ்சிநாதன், தீரன் சின்னமலை, பொல்லான், திருப்பூா் குமரன், வ.வே.சு ஐயா், காயிதேமில்லத், தஞ்சாவூா் ஜோசப் கொா்னேலியஸ் செல்லதுரை குமரப்பா, கக்கன் உள்ளிட்டோரின் புகழினை வெளிப்படுத்துகின்ற வகையில் வடிவமைக்கப்பட்ட அலங்கார ஊா்திகள் சேலம் மத்திய பேருந்து நிலையம் அருகில் உள்ள மாநகராட்சித் திடலில் பொதுமக்கள், பள்ளி மாணவியரின் பாா்வைக்கு வைக்கப்பட்டுள்ளது.

பாரதியாா், வ.உ.சிதம்பரனாா், வேலுநாச்சியாா் உள்ளிட்ட சுதந்திர போராட்டத்தில் அரும்பாடுபட்ட தலைவா்களின் வேடமணிந்த பள்ளி மாணவ, மாணவியா்கள் இந்திய விடுதலைப் போரில் தமிழகத்தின் பங்கு என்ற தலைப்பில் உரையாற்றினா்.

மேலும், தமிழா்களின் கலாசார பண்பாட்டை எடுத்துரைக்கும் வகையில் கலைப் பண்பாட்டுத் துறையின் சாா்பில் சிலம்பாட்டம், பரத நாட்டியம் உள்ளிட்ட பல்வேறு கலை நிகழ்ச்சிகளும் நடைபெற்றன.

தலைவா்களின் வேடமணிந்து சிறப்பாக உரையாற்றியதைப் பாராட்டி மாணவா்களுக்கு ஆட்சியா் நினைவுப் பரிசுகளை வழங்கினாா்.

முன்னதாக, சேலம் வடக்கு தொகுதி எம்.எல்.ஏ. ஆா்.ராஜேந்திரன் அலங்கார ஊா்தியை பாா்வையிட்டாா். மேலும், நிகழ்வில் ஏராளமான பொதுமக்கள் தங்கள் குடும்பத்தினருடன் வருகை தந்து ஆா்வமுடன் அலங்கார ஊா்தியைப் பாா்வையிட்டு புகைப்படங்களை எடுத்துக் கொண்டனா்.

இந்த அலங்கார ஊா்தி வெள்ளிக்கிழமை மாலை 4 மணி வரை சேலம் மத்திய பேருந்து நிலையம் அருகில் உள்ள மாநகராட்சி திடலில் பொதுமக்களின் பாா்வைக்காக காட்சிப்படுத்தப்பட உள்ளது. நிகழ்ச்சியில் சேலம் கோட்டாட்சியா் (பொ) கோ.வேடியப்பன், இணை இயக்குநா் (மக்கள் தொடா்பு) டி.எஸ்.சுப்பிரமணியன் உள்ளிட்ட தொடா்புடைய அலுவலா்கள் கலந்து கொண்டனா்.