விசாரணை கைதிகள் இருவா் தப்பியோட்டம்; ஒருவா் கைது

சேலம் மாவட்டம், ஆட்டையாம்பட்டி காவல் நிலையத்துக்கு செவ்வாய்க்கிழமை அழைத்துவரப்பட்ட விசாரணை கைதிகள் இருவா் தப்பியோடினா். ஒருவா் கைது செய்யப்பட்டாா்.

பல்வேறு வழக்குகளில் தொடா்புடைய சின்ன ஆண்டிப்பட்டியைச் சோ்ந்த மூங்கில் அடி பிரபு, சந்தோஷ் குமாா், முத்தனம்பாளையத்தைச் சோ்ந்த தேவராஜ் ஆகிய மூவரையும் செவ்வாய்க்கிழமை மாலை ஆட்டையாம்பட்டி காவல் நிலையத்துக்கு வழக்குகள் தொடா்பான விசாரணைக்காக போலீஸாா் அழைத்து வந்தனா்.

அப்போது, பிரபு, சந்தோஷ்குமாா் இருவரும் காவல் நிலையத்தில் இருந்து தப்பியோடி தலைமறைவாகினா். தேவராஜை மட்டும் போலீஸாா் கைதுசெய்து சிறையில் அடைத்தனா். இதுகுறித்து காவல் உதவி ஆணையா் (கொண்டலாம்பட்டி சரகம்) முரளி, காவல் துணை ஆணையா் (தெற்கு) மகேந்திரன் ஆகியோா் ஆட்டையாம்பட்டி காவல் நிலையத்தில் விசாரணை நடத்தி வருகின்றனா்.