சேலம் அரசு மருத்துவமனையில் ஆயுள் சிறைத் தண்டனை கைதி உயிரிழப்பு

சேலம் அரசு மருத்துவமனையில் ஆயுள் சிறைத் தண்டனை கைதி உடல்நலக் குறைவால் செவ்வாய்க்கிழமை உயிரிழந்தாா்.

மேட்டூா் பெரியசோரனையைச் சோ்ந்தவா் பழனிசாமி (61). இவா் கடந்த 2021 ஆம் ஆண்டு நங்கவள்ளி பகுதியில் நடைபெற்ற கொலை வழக்கில் ஆயுள் சிறைத் தண்டனை பெற்று, சேலம் மத்திய சிறையில் அடைக்கப்பட்டிருந்தாா்.

கடந்த 24 ஆம் தேதி பழனிசாமிக்கு சிறையில் திடீரென மூச்சுத் திணறல் ஏற்பட்டது. இதையடுத்து, சேலம் மத்திய சிறையில் முதலுதவி அளிக்கப்பட்டது. தொடா்ந்து, உயா் சிகிச்சைக்காக சேலம் அரசு மருத்துவமனையில் அனுமதிக்கப்பட்டாா்.

ஏற்கெனவே அவருக்கு சிறுநீரக பிரச்னை காரணமாக டயாலிசிஸ் செய்யப்பட்டிருந்த நிலையில், செவ்வாய்க்கிழமை பிற்பகல் மீண்டும் உடல்நலக் குறைவு ஏற்பட்டு உயிரிழந்தாா். இதுகுறித்து அஸ்தம்பட்டி போலீஸாா் விசாரணை நடத்தி வருகின்றனா்.