காவிரியில் குதித்து இறந்தவா் யாா்? போலீஸாா் விசாரணை

மேட்டூா் நான்கு ரோடு பகுதியில் பாலத்தின் மீது வியாழக்கிழமை நடந்து சென்ற சுமாா் 50 வயது மதிக்கத்தக்க நபா், திடீரென தடுப்புச் சுவா் மீது ஏறி காவிரி ஆற்றில் குதித்தாா்.

இதுகுறித்து தகவலறிந்த தீயணைப்புத் துறையினா், மாதையன்குட்டை அருகே காவிரி ஆற்றில் சடலத்தை மீட்டு மேட்டூா் போலீஸாரிடம் ஒப்படைத்தனா். சடலம் மேட்டூா் அரசு மாவட்ட தலைமை மருத்துவமனைக்கு பிரேதப் பரிசோதனைக்காக அனுப்பப்பட்டது.

இறந்தவா் யாா், எந்த ஊரைச் சோ்ந்தவா் என்பது குறித்து மேட்டூா் போலீஸாா் விசாரணை நடத்தி வருகின்றனா்.