பைக் மீது வேன் மோதல்: இளைஞா் பலி

மதுரை: மதுரை மாவட்டம் தே.கல்லுப்பட்டி அருகே இரு சக்கர வாகனம் மீது வேன் மோதியதில் இளைஞா் உயிரிழந்தாா்.

மதுரை மாவட்டம், திருமங்கலம் அருகே உள்ள செங்குளம் கிழக்குத் தெருவைச் சோ்ந்த பாலு மகன் தினேஷ்குமாா் (30). இவா் மதுரை-ராஜபாளையம் சாலையில் டி.குன்னத்தூா் அருகே சென்றுகொண்டிருந்தாா். அப்போது, எதிரே வந்த வேன் மோதியதில் தினேஷ்குமாா் சம்பவ இடத்திலேயே உயிரிழந்தாா். இதுகுறித்து தே.கல்லுப்பட்டி போலீஸாா், வேன் ஓட்டுநரான திருச்சி மண்ணச்சநல்லூரைச் சோ்ந்த ராஜமாணிக்கம் மீது வழக்குப்பதிவு செய்து விசாரித்து வருகின்றனா்.