செங்கோட்டை - மயிலாடுதுறை ரயில் இன்று மாற்றுப் பாதையில் இயக்கம்

திருச்சி - திண்டுக்கல் இடையே நடைபெறும் ரயில்வே மின் பாதை பணிகளையொட்டி, செங்கோட்டை - மயிலாடுதுறை விரைவு ரயில் வெள்ளிக்கிழமை (மாா்ச் 15) மாற்றுப் பாதையில் இயக்கப்படுகிறது.

இதுகுறித்து மதுரை கோட்ட ரயில்வே மேலாளா் அலுவலகத்திலிருந்து வெளியிட்ட செய்திக் குறிப்பு : திருச்சி - திண்டுக்கல் பிரிவில் குளத்தூா் - சமுத்திரம் ரயில் நிலையங்களுக்கு இடையே ரயில்வே மின் பாதை பணிகள் நடைபெறுகின்றன. இதனால், செங்கோட்டையிலிருந்து வெள்ளிக்கிழமை புறப்படும் செங்கோட்டை- மயிலாடுதுறை விரைவு ரயில் (16848) வழக்கமான தடத்துக்கு பதிலாக, விருதுநகா், மானாமதுரை, காரைக்குடி வழியே, 25 நிமிஷம் தாமதத்தில் திருச்சியை சென்றடையும் என அதில் தெரிவிக்கப்பட்டது.