மதுரை - கோவை ரயில் சேவை பகுதியளவு ரத்து

மதுரை- கோவை விரைவு ரயில் சேவை ஜூன் 10-ஆம் தேதி பகுதியளவில் ரத்து செய்யப்படுகிறது.

இதுகுறித்து மதுரை கோட்ட ரயில்வே மேலாளா் அலுவலகம் வெளியிட்ட செய்திக் குறிப்பு :

பொள்ளாச்சி - கோவை இடையேயான ரயில் பாதையில் பராமரிப்புப் பணிகள் மேற்கொள்ளப்படவுள்ளன. இதையொட்டி, மதுரையிலிருந்து புதன்கிழமை (ஜூன் 10) காலை 7.20 மணிக்கு புறப்படும் மதுரை - கோவை விரைவு ரயில் பொள்ளாச்சியுடன் நிறுத்தப்படும். இந்த ரயிலின் பொள்ளாச்சி - கோவை இடையேயான சேவை ரத்து செய்யப்படும் எனத் தெரிவிக்கப்பட்டது.