ஒட்டன்சத்திரத்தில் அதிமுக ஆலோசனைக் கூட்டம்

ஒட்டன்சத்திரத்தில் அதிமுக அலுவலகத்தில் அக்கட்சியின் ஆலோசனைக்கூட்டம் வியாழக்கிழமை நடைபெற்றது.
இந்த கூட்டத்திற்கு ஒன்றியச் செயலாளர் பி.பாலசுப்பிரமணி தலைமை வகித்தார். முன்னாள் சட்டமன்ற உறுப்பினர் குப்புச்சாமி, நகரச் செயலாளர் உதயம் ராமசாமி ஆகியோர் முன்னிலை வகித்தனர். திண்டுக்கல் மாவட்ட அதிமுக சார்பில் வரும் 16-ஆம் தேதி ஒட்டன்சத்திரத்தில் பேரறிஞர் அண்ணாவின் 110-வது பிறந்தநாள் விழா பொதுக்கூட்டம் நடைபெறுகிறது. 
இந்த கூட்டத்திற்கு வருகை தரும் வனத்துறை அமைச்சர் சி.சீனிவாசன் மற்றும் அதிமுக நிர்வாகிகளுக்கு சிறப்பான வரவேற்பு அளிப்பது என்றும், சுமார் 2 ஆயிரம் வாகனங்களில் 25 ஆயிரம் பேரை அழைத்து வருவது என்றும் தீர்மானங்கள் நிறைவேற்றப்பட்டன. கூட்டத்திற்கான ஏற்பாடுகளை தொப்பம்பட்டி ஒன்றியச் செயலாளர் கே.கிட்டுச்சாமி மற்றும் மாவட்ட நிர்வாகிகள் 
செய்து வருகின்றனர்.