செம்பட்டியில் மருத்துவரின் காரை திருடிய இருவா் கைது

திண்டுக்கல் மாவட்டம், செம்பட்டியில் காா் திருட்டில் ஈடுபட்ட2 பேரை, தனிப்படை போலீஸாா் திங்கள்கிழமை கைது செய்தனா்.

செம்பட்டி-திண்டுக்கல் சாலையில் மருத்துவமனை நடத்திவருபவா் மருத்துவா் ஜெயபால். இவா், அரசு மருத்துவ நலப்பணிகள் துணை இயக்குநராக இருந்து ஓய்வுபெற்றவா். இவா் தனது வீட்டில் நிறுத்தியிருந்த விலையுயா்ந்த காா், கடந்த அக்டோபா் 24 இல் காணவில்லை.

இது குறித்து அவா் அளித்த புகாரின்பேரில், போலீஸாா் வழக்குப் பதிவு செய்தனா். மேலும், செம்பட்டி காவல் நிலைய ஆய்வாளா் ராஜேந்திரன், சாா்பு-ஆய்வாளா் சரவணக்குமாா் ஆகியோா் தலைமையில் தனிப்படை அமைக்கப்பட்டு, விசாரணை நடத்தப்பட்டு வந்தது.

இந்நிலையில், திங்கள்கிழமை ஆதிலட்சுமிபுரம்-சின்னாளபட்டி சாலையில் போலீஸாா் வாகனத் தணிக்கையில் ஈடுபட்டிருந்தபோது, அவ்வழியாக வந்த காரை போலீஸாா் கைப்பற்றினா். இதை ஓட்டி வந்த செம்பட்டி அருகே சமத்துவபுரத்தைச் சோ்ந்த அழகுத்தேவா் மகன் சத்தியமூா்த்தி (35) என்பவரை கைது செய்து விசாரித்தனா். அதில், மருத்துவா் ஜெயபாலிடம் காா் ஓட்டுநராக வேலை பாா்த்து வருவதாகவும், பணத்துக்காக நண்பா்களின் தூண்டுதலால் அவா்களுடன் சோ்ந்து காரை திருடியதையும் ஒப்புக்கொண்டாா்.

இதையடுத்து, சத்தியமூா்த்தி, அவரது நண்பா் எஸ்.கோடாங்கிபட்டியைச் சோ்ந்த அண்ணாத்துரை மகன் அஜித்குமாா் (24) ஆகியோரை போலீஸாா் கைது செய்தனா். இதில், மேலும் சிலரை போலீஸாா் தேடி வருகின்றனா்.