திண்டுக்கல் மாவட்டம் கொடைக்கானல் அடுத்துள்ள அடுக்கம் பகுதியிலிருந்து, தேனி மாவட்டம் பெரியகுளம் அடுத்துள்ள கும்பக்கரை வரை செல்வதற்கான மலைச்சாலை உள்ளது.
இதையும் படிக்கலாமே.. நீட் தேர்வில் குறைந்த மதிப்பெண்: அடுத்து என்ன செய்யலாம்? 'பிளான் பி'
வத்தலகுண்டு கொடைக்கானல் மலைச்சாலையை தவிர்த்து, சுமார் 15 கி.மீட்டர் தொலைவிலான பெரியகுளம் அடுக்கம் சாலையில் பயணித்தால், 22 கி.மீட்டர் பயணத் தொலைவு குறைவு. இதனால், தேனி மாவட்டம் மற்றும் கேரள மாநிலங்களிலிருந்து வரும் சுற்றுலா பயணிகள், அடுக்கம் சாலையை அதிக அளவில் பயன்படுத்தி வருகின்றனர்.
இந்நிலையில், கடந்த சில நாள்களாக தொடர்ந்து பெய்து வரும் மழையினால், கும்பக்கரை அடுக்கம் சாலையில் மண் சரிவு ஏற்படும் ஆபத்து உள்ளதாக கண்டறியப்பட்டுள்ளது. இதனை அடுத்து, இந்த சாலையில் பயணிக்க தற்காலிகமாக தடை விதித்து திண்டுக்கல் மாவட்ட ஆட்சியர் ச.விசாகன் திங்கள்கிழமை உத்தரவிட்டுள்ளார்.
இதையும் படிக்கலாமே.. சென்னை - புறநகர் பகுதிகளைத் தாக்கக் காத்திருக்கும் அடுத்த சுற்று மழை
கடந்த 2 நாள்களுக்கு முன்பு இந்த சாலையில் பயணித்த கார், 200 அடி பள்ளத்தில் கவிழ்ந்து ஏற்பட்ட விபத்தில் மதுரையைச் சேர்ந்த ஒரு குழந்தை உள்பட 3 பேர் பெண்கள் உயிரிழந்தனர் என்பது குறிப்பிடத்தக்கது.