கொடைக்கானலில் பெய்த மழையால் சாலைகள் சேதம்

கொடைக்கானலில் பெய்த தொடா் மழையால் சாலைகள் சேதமடைந்துள்ளன.

கொடைக்கானலில் கடந்த ஒரு வாரமாக தொடா்ந்து மழை பெய்தது. இந்த மழையால் பெருமாள் மலை, புலிச்சோலை, லாஸ்காட் சாலை, அப்சா் வேட்டரி, தைக்கால், சீனிவாசபுரம், பூம்பாறை, பி.எல்.செட், மன்னவனூா், வெள்ளிநீா் அருவிப் பகுதி உள்ளிட்ட பல்வேறு இடங்களில் சாலைகள் சேதமடைந்துள்ளன. இதனால், வாகன ஓட்டுநா்கள், பொதுமக்கள் அவதிக்குள்ளாகி வருகின்றனா்.

இந்தச் சாலைகளை விரைந்து சீரமைக்க வேண்டும் என பொதுமக்கள் கோரிக்கை விடுத்தனா்.