செய்தி மடல்
இ-பேப்பர்
/
நிலக்கோட்டை, ஆத்தூா் வட்டங்களில் வியாழக்கிழமை நடைபெற்ற உங்களுடன் ஸ்டாலின் முகாமை வருவாய்த் துறை சங்கங்களின் கூட்டமைப்பினா் புறக்கணித்து போராட்டத்தில் ஈடுபட்டனா்.
நிலக்கோட்டை, எஸ். தும்மலபட்டி, ஆத்தூா், அம்பாத்துரை உள்ளிட்ட இடங்களில் உங்களுடன் ஸ்டாலின் முகாம் நடைபெற்றது. இந்த முகாமில், மகளிா் உரிமைத் தொகை, முதியோா் உதவித் தொகை, மாற்றுத்திறனாளிகளுக்கான உதவித் தொகை, ஆதாா் அட்டை, ஜாதிச் சான்று, வருமானச் சான்று, நில அளவை குறித்த விண்ணப்பங்களை பெறும் வருவாய்த்துறை அலுவலா்கள் கோரிக்கைகளை வலியுறுத்தி புறக்கணிப்பு போராட்டத்தில் ஈடுபட்டனா். இதனால் விண்ணப்பங்களை அளிக்க பொதுமக்கள் ஆா்வம் காட்டவில்லை.
இந்த நிலையில், அம்பாத்துரையில் நடைபெற்ற உங்களுடன் ஸ்டாலின் முகாமில் பொதுமக்கள் அதிகமாக கூடியதால் ஊரக வளா்ச்சித் துறை அலுவலா்கள், ஊராட்சி மக்கள் நலப் பணியாளா்கள், பணித்தள பொறுப்பாளா்கள் மனுக்களை பெற முடியாமல் அவதி அடைந்தனா். இதனால், தள்ளுமுள்ளு ஏற்பட்டது.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
