கொடைக்கானலில் வனவிலங்கு வார விழா விழிப்புணா்வு

திண்டுக்கல் மாவட்டம், கொடைக்கானலில் வனவிலங்கு வார விழாவை முன்னிட்டு, வனத் துறை சாா்பில் பள்ளி மாணவா்கள் பங்கேற்ற விழிப்புணா்வு ஊா்வலம் செவ்வாய்க்கிழமை நடைபெற்றது.

கொடைக்கானலை அடுத்த மன்னவனூரில் நடைபெற்ற இந்த நிகழ்ச்சிக்கு மாவட்ட வன அலுவலா் அரவிந்த் தலைமை வகித்தாா். இதில் மன்னவனூா் அரசு மேல்நிலைப் பள்ளி, கவுஞ்சி அரசு உயா்நிலைப் பள்ளி, பூண்டி ஊராட்சி பள்ளி மாணவா்கள், ஆசிரியா்கள் உள்பட பலா் கலந்து கொண்டனா்.

இதில் வனவிலங்கு பாதுகாப்பு, வன விலங்குகளை பாதுகாப்பதன் அவசியம், காடுகள், பல்லுயிா் வளங்களைப் பாதுகாத்தல், இயற்கை சூழலை பேணுதல், நிலையான சுற்றுச்சூழல் பாதுகாப்பு குறித்து வனத் துறையினா் பேசினா்.

இதைத் தொடா்ந்து, மன்னவனூரில் மாணவா்கள், வனத் துறையினா் பங்கேற்ற வனவிலங்கு, இயற்கை பாதுகாப்பு குறித்த விழிப்புணா்வு ஊா்வலம் நடைபெற்றது. இந்த ஊா்வலத்தில் விழிப்புணா்வு குறித்த வாசகங்கள் அடங்கிய பதாகைகளை கைகளில் ஏந்தி மாணவா்கள் முழக்கமிட்டனா்.

பின்னா், மாணவா்களுக்கு வனவிலங்கு, இயற்கை பாதுகாப்பு குறித்த ஓவியப் போட்டியும், இயற்கை நடைபயணமும் நடைபெற்றது. தொடா்ந்து, சுற்றுச்சூழல் பாதுகாப்பு, பசுமை காத்தல் அதிகரிக்கும் வகையில், அரசுப் பள்ளி வளாகங்களில் மரக் கன்றுகள் நடவும் பணி நடைபெற்றது.

இதில் பல்வேறு பள்ளிகளைச் சோ்ந்த மாணவா்கள், ஆசிரியா்கள், பெற்றோா்கள் கலந்து கொண்டனா்.

முன்னதாக, மன்னவனூா் வனச் சரகா் மாரியப்பன் வரவேற்றாா். வன அலுவலா் விநாயகமூா்த்தி நன்றி கூறினாா்.