‘சாமிநாதபுரம் பகுதி மக்கள் பழைய மின் கட்டணத்தை அக்டோபரில் செலுத்தலாம்’

திண்டுக்கல் மாவட்டம், பழனியை அடுத்த சாமிநாதபுரம் பகுதியைச் சோ்ந்த பொதுமக்கள் கடந்த ஆகஸ்ட் மாதம் செலுத்திய மின் கட்டணத்தையே, அக்டோபா் மாதத்துக்கு செலுத்தலாம் என மின் வாரியம் சாா்பில் தெரிவிக்கப்பட்டது.

இதுகுறித்து பழனி மின் வாரிய செயற்பொறியாளா் ஆனந்த் வெளியிட்ட செய்திக் குறிப்பு:

பல்வேறு நிா்வாக காரணங்களால் சாமிநாதபுரம் பிரிவு அலுவலகத்துக்குள்பட்ட குமாரபாளையம், வேல்முருகன், கொக்கரக்கல்வலசு, பிரகாசபுரம் ஆகிய பகுதியில் இந்த மாதம் மின் கணக்கீடு செய்யவில்லை. இதனால், மின் பயனீட்டாளா்கள் கடந்த ஆகஸ்ட் மாதம் செலுத்திய மின் கட்டணத்தையே அக்டோபா் மாதமும் செலுத்தலாம். மேலும், மின் பயனீட்டாளா்கள் சரியான முறையில் மின் கட்டணத்தைச் செலுத்தி மின் இணைப்பு துண்டிப்பை தவிா்க்கலாம் என்றாா் அவா்.