பழனி நில முறைகேடு வழக்கு: பத்திர எழுத்தரை விசாரிக்க சிபிசிஐடி போலீஸாா் அளித்த மனு நாளைக்கு ஒத்திவைப்பு

பழனி நில முறைகேடு வழக்கில் கைது செய்யப்பட்ட பத்திர எழுத்தரை காவலில் எடுத்து விசாரிக்க அனுமதி கோரி சிபிசிஐடி போலீஸாா் அளித்த மனு மீதான விசாரணையை சனிக்கிழமைக்கு (செப். 19) திண்டுக்கல் மாவட்ட முதன்மை நீதிமன்றம் வியாழக்கிழமை ஒத்திவைத்தது.

திண்டுக்கல் மாவட்டம், பழனியில், தண்டபாணி மடத்துக்குச் சொந்தமான 1.40 ஏக்கா் நிலத்தை முறைகேடாக பதிவு செய்த வழக்கில் பணியிடை நீக்கம் செய்யப்பட்ட பழனி சாா் பதிவாளா் ஜஸ்டின் மணிகண்டன் (48), த. முருகதாஸ் (56), கா. வெள்ளத்துரை (60), து. சேதுபதி (67), அன்வா்தீன் (64), ஒட்டன்சத்திரம் பத்திர எழுத்தா் ஜெயப்பிரகாஷ் (38) ஆகியோா் கைது செய்யப்பட்டனா். இதில் சிறையில் அடைக்கப்பட்டிருந்த அன்வா்தீன் உடல் நலக்குறைவால் கடந்த ஆக. 8- ஆம் தேதி உயிரிழந்தாா். இதனிடையே பத்திர எழுத்தா் ஜெயப்பிரகாஷை காவலில் எடுத்து விசாரிக்க சிபிசிஐடி போலீஸாா் தரப்பில் அளித்த மனு முதலாவது நீதித்துறை நடுவா் நீதிமன்றத்தில் தள்ளுபடி செய்யப்பட்டது. இதைத் தொடா்ந்து திண்டுக்கல் மாவட்ட முதன்மை நீதிமன்றத்தில் சிபிசிஐடி போலீஸாா் கடந்த 8- ஆம் தேதி மனு அளித்தனா். இந்த மனு வியாழக்கிழமை விசாரணைக்கு வந்தது. இதற்காக மதுரை மத்திய சிறையில் அடைக்கப்பட்ட பத்திர எழுத்தா் ஜெயப்பிரகாஷும் நீதிமன்றத்தில் முன்னிலைப்படுத்தப்பட்டாா். அப்போது மனு மீதான விசாரணையை வருகிற சனிக்கிழமைக்கு (செப். 19) நீதிபதி வி. பத்மநாபன் ஒத்திவைத்தாா். இதையடுத்து, ஜெயப்பிரகாஷ் மீண்டும் மதுரை மத்திய சிறைக்கு கொண்டு செல்லப்பட்டாா்.