கோலம் போட்ட பெண்ணிடம் 4 பவுன் சங்கிலி பறிப்பு

மதுரையில் வீட்டு வாசலில் கோலம் போட்ட பெண்ணிடம் 4 பவுன் நகையை பறித்துச் சென்றதாக புதன்கிழமை புகார் அளிக்கப்பட்டுள்ளது. 
மதுரை ஜெய்ஹிந்த்புரம் பகுதியைச் சேர்ந்தவர் சங்கர சுப்பிரமணி. இவரது மனைவி ஸ்ரீமதி (45). இவர் புதன்கிழமை காலை தனது வீட்டு வாசலில் கோலம் போட்டுக் கொண்டிருந்தார். அப்போது அங்கு இருசக்கர வாகனத்தில் வந்த இருவர், ஸ்ரீமதி கழுத்தில் அணிந்திருந்த 4 பவுன் சங்கிலியை பறித்துக் கொண்டு தப்பிச் சென்றனர். 
சம்பவம் தொடர்பாக ஜெய்ஹிந்த்புரம் போலீஸார் வழக்குப்பதிவு செய்து விசாரித்து வருகின்றனர்.