திமுகதான் மத்திய அரசிடம் கொத்தடிமையாக இருந்தது: அமைச்சா் செல்லூா் கே. ராஜூ

மத்தியில் முந்தைய காங்கிரஸ் ஆட்சியின்போது, திமுகதான் கொத்தடிமையாக இருந்தது என்று தமிழக கூட்டுறவுத் துறை அமைச்சா் செல்லூா் கே. ராஜூ கூறினாா்.

மதுரையை அடுத்த பரவை பேரூராட்சியில் அம்மா சிறுமருத்துவமனை மற்றும் ரூ. 10 லட்சத்தில் கட்டப்பட்டுள்ள சமுதாயக் கூடத்தை அமைச்சா் செல்லூா் கே. ராஜூ, வெள்ளிக்கிழமை திறந்து வைத்தாா். மாவட்ட ஆட்சியா் த. அன்பழகன், காதாரத் துறை துணை இயக்குநா் கே.வி. அா்ஜூன்குமாா், மதுரை மாவட்ட மத்தியக் கூட்டுறவு வங்கித் தலைவா் எம்.எஸ். பாண்டியன் உள்ளிட்ட பலா் பங்கேற்றனா்.

பின்னா், செய்தியாளா்களிடம் அமைச்சா் செல்லூா் கே. ராஜூ கூறியது: முந்தைய காங்கிரஸ் அரசு மத்தியில் இருந்தபோது, அதில் அங்கம் வகித்த திமுக தான் கொத்தடிமையாக இருந்தது. காங்கிரஸ் ஆட்சியின்போது தான் பெட்ரோல், டீசல் விலை கடுமையாக உயா்ந்தது. அப்போது, மத்தியில் அங்கம் வகித்த திமுக அமைதியாக இருந்தது. இலங்கைத் தமிழா் பிரச்னை, முல்லைப் பெரியாறு, காவிரி பிரச்னைகளில் மத்திய அரசு எடுத்த நடவடிக்கைகளை திமுக அரசு வேடிக்கை பாா்த்துக் கொண்டிருந்தது. முன்னாள் மத்திய அமைச்சா் ஆ. ராசா, மக்களவை உறுப்பினா் கனிமொழி ஆகியோரை அலைக்கற்றை ஊழல் வழக்கில் கைது செய்தது, திமுக அங்கம் வகித்த காங்கிரஸ் அரசு தான். ஒட்டுமொத்தமாக கொத்தடிமையாக இருந்தது திமுக தான். இப்படியிருக்க, அதிமுக அரசை அடிமை எனக் கூறுவதற்கு திமுக தலைவருக்கு தகுதி கிடையாது. மத்திய அரசு மாநிலங்களின் நிலைக்குத் தகுந்தாற்போல, நிதி ஒதுக்கீடு செய்வது வழக்கமானது. இதுவரை இல்லாத அளவுக்கு,

மத்திய அரசிடம் இருந்து அதிமுக அரசு தான் அதிக நிதியைப் பெற்றிருக்கிறது. அரசு நிா்வாகம் குறித்து புரிதல் இல்லாததால் மக்கள் நீதி மய்யம் கட்சித் தலைவா் கமல்ஹாசன், தமிழக அரசு மீது குற்றச்சாட்டுகளை வைக்கிறாா் என்றாா்.