இளைஞரிடம் ரூ.10 லட்சம் பறிப்பு:பெண் காவல் ஆய்வாளரைப் பிடிக்க தனிப்படையினா் தீவிரம்

மதுரை அருகே இளைஞரிடம் ரூ.10 லட்சம் பறித்த வழக்கில் பெண் காவல் ஆய்வாளரை தனிப்படை போலீஸாா் தீவிரமாக தேடி வருகின்றனா்.

சிவகங்கை மாவட்டம் இளையான்குடியைச் சோ்ந்த கொங்கன் மகன் அா்சத் என்பவா் பை செய்யும் நிறுவனத்திற்கு தேவையான பொருள்கள் வாங்குவதற்காக ரூ.10 லட்சத்துடன் ஜூலை 5 ஆம் தேதி மதுரை வந்துள்ளாா். மதுரை- தேனி சாலையில் நாகமலைபுதுக்கோட்டை மாவுமில் பேருந்து நிறுத்தம் அருகே சென்றபோது, காவல் ஆய்வாளா் வசந்தி உள்பட 5 போ், அா்சத்தை வழிமறித்து ரூ.10 லட்சத்தை பறித்துச் சென்றுள்ளனா். இதுகுறித்து அா்சத், மாவட்ட காவல் கண்காணிப்பாளா் வீ. பாஸ்கரனிடம் புகாா் அளித்தாா்.

இதையடுத்து அவரின் உத்தரவின் பேரில் பெண்கள் மற்றும் குழந்தைகளுக்கு எதிரான குற்றப் பிரிவு கூடுதல் கண்காணிப்பாளா் சந்திரமெளலி, விசாரணை நடத்தியதில், காவல் ஆய்வாளா் வசந்தி, சிலைமான் பகுதியைச் சோ்ந்த உக்கிரபாண்டி (62), விருதுநகா் மாவட்டத்தைச் சோ்ந்த சீமைச்சாமி (51), தேனி மாவட்டத்தைச் சோ்ந்த பால்பாண்டி (42), பாண்டியராஜன் ஆகியோா் பணத்தை பறித்தது தெரியவந்து. இதுகுறித்து போலீஸாா் வழக்குப்பதிந்து விசாரித்து வருகின்றனா். இதனிடையே காவல் ஆய்வாளா் வசந்தி பணியிடை நீக்கம் செய்யப்பட்டாா்.

ரூ.2.26 லட்சம் பறிமுதல்: மாவட்ட காவல் கண்காணிப்பாளா் உத்தரவின் பேரில் குற்றப்பிரிவு காவல் துணைக் கண்காணிப்பாளா் என். ரவிக்குமாா் தலைமையில் தனிப்படை அமைக்கப்பட்டு, பணம் பறித்த பெண் காவல் ஆய்வாளா் வசந்தி உள்பட 5 பேரையும் போலீஸாா் தேடி வந்தனா். இந்நிலையில், பால்பாண்டி தனிப்படையினரால் செவ்வாய்க்கிழமை கைது செய்யப்பட்டாா். அதைத் தொடா்ந்து உக்கிரபாண்டி, சீமைச்சாமி ஆகியோரும் வியாழக்கிழமை கைது செய்யப்பட்டனா். அவா்களிடமிருந்து ரூ. 2.26 லட்சம் பறிமுதல் செய்யப்பட்டுள்ளது.

பெண் காவல் ஆய்வாளா் தலைமறைவு: இவ்வழக்கில் தொடா்ந்து தலைமறைவாக உள்ள பெண் காவல் ஆய்வாளா் வசந்தி மற்றும் பாண்டியராஜன் ஆகியோரைத் தனிப்படையினா் தீவிரமாகத் தேடி வருகின்றனா். இந்நிலையில், தன்னை போலீஸாா் கைது செய்யாமல் இருக்க வசந்தி, நீதிமன்றத்தில் முன்ஜாமீன் கோரியிருப்பதாகக் கூறப்படுகிறது.