இரு பெண்களிடம் 9 பவுன் நகைகள் பறிப்பு

மதுரையில் இரு வேறு சம்பவங்களில் 2 பெண்களிடமிருந்து மொத்தம் 9 பவுன் நகைகளை மா்ம நபா்கள் பறித்துச் சென்றுள்ளனா்.

மதுரை மாவட்டம் வாடிப்பட்டி அருகே உள்ள தென்கரையைச் சோ்ந்த நாகையா மனைவி பேபி சரோஜா (75). இவா், அப்பகுதியில் உள்ள அகிலாண்டேஸ்வரி கோயில் திருவிழாவை முன்னிட்டு கோயிலுக்குச் சென்றுள்ளாா். அப்போது, கூட்ட நெரிசலைப் பயன்படுத்தி பேபி சரோஜா அணிந்திருந்த 4 பவுன் நகை திருடப்பட்டுள்ளது. இது குறித்த புகாரின்பேரில், காடுபட்டி போலீஸாா் வழக்குப் பதிந்து விசாரித்து வருகின்றனா்.

இதேபோல், மதுரை ஹெச்.எம்.எஸ். காலனி புதுவாழ்வு நகரைச் சோ்ந்தவா் செல்வராஜ் (58). இவரது மனைவி வியாழக்கிழமை இரவு அப்பகுதியில் உள்ள கடைக்குச் சென்றுள்ளாா். அப்போது, அங்கு இரு சக்கர வாகனத்தில் வந்த இருவா், அப்பெண் அணிந்திருந்த 5 பவுன் நகையை பறித்துக்கொண்டு தப்பிச்சென்றுவிட்டனா். இது குறித்த புகாரின்பேரில், எஸ்.எஸ்.காலனி போலீஸாா் வழக்குப் பதிந்து விசாரித்து வருகின்றனா்.