சாத்தான்குளம் இரட்டைக் கொலை வழக்கு மாஜிஸ்திரேட் அவமதிக்கப்பட்ட வழக்கில் ஏடிஎஸ்பி, டிஎஸ்பி, காவலா் மன்னிப்புக் கோரினா்

சாத்தான்குளம் இரட்டைக் கொலை வழக்கு தொடா்பாக விசாரணைக்குச் சென்ற நீதித்துறை நடுவரை அவமதித்த வழக்கில், ஏடிஎஸ்பி, டிஎஸ்பி, காவலா் ஆகியோா் சென்னை உயா்நீதிமன்ற மதுரைக் கிளையில் நிபந்தனையற்ற மன்னிப்புக் கோரினா்.

இதையடுத்து அவா்கள் மீது தொடரப்பட்ட நீதிமன்ற அவமதிப்பு நடவடிக்கை எடுக்கும் வழக்கை முடித்து வைத்து நீதிபதிகள் உத்தரவிட்டனா்.

சாத்தான்குளம் வணிகா்கள் ஜெயராஜ், அவரது மகன் பென்னிக்ஸ் ஆகியோா் போலீஸ் விசாரணையின்போது தாக்கப்பட்டதில் உயிரிழந்தனா். இந்த வழக்கை சென்னை உயா்நீதிமன்ற மதுரைக் கிளை தாமாக முன்வந்து விசாரணை நடத்தியது. உயா்நீதிமன்ற உத்தரவின்படி, கோவில்பட்டி நீதித்துறை நடுவா் பாரதிதாசன் சாத்தான்குளம் சம்பவம் குறித்து காவல் நிலையத்தில் விசாரணை நடத்தினாா். அப்போது அங்கு பணியிலிருந்த தூத்துக்குடி மாவட்ட கூடுதல் காவல் கண்காணிப்பாளா் குமாா், துணை காவல் கண்காணிப்பாளா் பிரதாபன், காவலா் மகாராஜன் ஆகியோா் போதிய ஒத்துழைப்பு அளிக்கவில்லை. அதோடு, நீதித்துறை நடுவரை ஒருமையில் பேசி, மரியாதைக் குறைவாக நடந்து கொண்டனா். இதுகுறித்து உயா்நீதிமன்றத்திற்கு நடுவா் அறிக்கை சமா்ப்பித்தாா். இதையடுத்து, அவா்கள் மூவா் மீதும் நீதிமன்ற அவமதிப்பு நடவடிக்கை எடுக்கும் வழக்கை உயா்நீதிமன்ற மதுரைக் கிளை தாமாக முன்வந்து தொடா்ந்தது.

இந்த வழக்கு நீதிபதிகள் பி.என். பிரகாஷ், ஆா். ஹேமலதா ஆகியோா் கொண்ட அமா்வு முன் வியாழக்கிழமை விசாரணைக்கு வந்தது. அப்போது, மூவரும் தனித்தனியே நிபந்தனையற்ற மன்னிப்புக் கோரி பிரமாணப் பத்திரம் தாக்கல் செய்தனா். இதைப் பதிவு செய்து கொண்ட நீதிபதிகள், மதுரை மாவட்ட நீதிமன்றத்தில் விசாரணையில் இருந்து வரும் சாத்தான்குளம் வழக்கில் 37 சாட்சிகள் விசாரிக்கப்பட்டுள்ளனா். இதனிடையே நீதிமன்ற அவமதிப்பு வழக்கானது, கீழமை நீதிமன்ற வழக்கின் விசாரணைக்கு இடையூறாக இருந்துவிடக் கூடாது எனக் கூறி வழக்கை முடித்து வைத்தனா். மேலும், காவல்துறை அதிகாரிகள் மற்றும் காவலா் ஆகிய மூவா் மீதும் குற்ற வழக்குப் பதிவு செய்திருந்தால் அதை சட்டத்திற்கு உட்பட்டு விசாரிக்கலாம் என உத்தரவிட்டனா்.