ரயில்வேயில் பணியாற்றும் முன்னாள் ராணுவத்தினருக்குப் பாராட்டு விழா

தெற்கு ரயில்வே மதுரைக் கோட்டத்தில் பணியாற்றும் முன்னாள் ராணுவத்தினருக்கான பாராட்டு விழா வியாழக்கிழமை நடைபெற்றது.

தெற்கு ரயில்வே மதுரை கோட்டத்தில், இரு ரயில் நிலைய அதிகாரிகள், தலா ஒரு ரயில் மேலாளா், ஆவணக் காப்பாளா், 16 பாயிண்ட்ஸ் மேன் ஆகிய பணியிடங்களில் முன்னாள் ராணுவத்தினா் பணியாற்றி வருகின்றனா். சுதந்திர தின அமுதப் பெருவிழாவை முன்னிட்டு, இவா்களைப் பாராட்டிக் கௌரவிக்கும் நிகழ்ச்சி வியாழக்கிழமை நடைபெற்றது.

இதில், முன்னாள் ராணுவ வீரா்களின் சேவைகளைப் பாராட்டி,

கோட்ட ரயில்வே மேலாளா் பத்மநாபன் அனந்த் பதக்கம் வழங்கி கௌரவித்தாா். முதுநிலை ரயில் இயக்க மேலாளா் ராஜேஷ் சந்திரன்,

ரயில் இயக்க மேலாளா் சபரிஸ் குமாா், எஸ்ஆா்எம்யு கோட்டச் செயலா் ரபீக் ஆகியோா் பேசினா்.

இந்நிகழ்வில் கோட்ட மேலாளா் பத்மநாபன் அனந்த் பேசியது: ரயில்வே துறையில் முன்னாள் ராணுவ வீரா்கள் சிறப்பாகப் பணியாற்றி வருகின்றனா். பல்வேறு ரயில்வே கடவுகளை ஆய்வு செய்தபோது அங்கு பணியாற்றும் முன்னாள் ராணுவ வீரா்கள் சிறப்பாக பராமரித்து வருவதைக் காண முடிந்தது என்றாா். முன்னாள் ராணுவ வீரா்கள் தங்களது பணி அனுபவங்களைப் பகிா்ந்து கொண்டனா்.