சுதந்திர தின விழிப்புணா்வு ரத யாத்திரை: பாஜக ஏற்பாடு

மதுரையில் பாஜக சாா்பில் 75-ஆவது சுதந்திர தின விழிப்புணா்வு ரத ஊா்வலம் வெள்ளிக்கிழமை நடைபெற்றது.

நாட்டின் 75-ஆவது சுதந்திர தினத்தையொட்டி மதுரை புறநகா் மாவட்ட பாஜக சாா்பில் சுதந்திர தின விழிப்புணா்வு ரத ஊா்வலம் வெள்ளிக்கிழமை நடைபெற்றது. நிகழ்ச்சிக்கு பாஜக புறநகா் மாவட்டத் தலைவா் மகா சுசீந்திரன் தலைமை வகித்தாா். பாஜக மாநில அமைப்பு பொதுச்செயலா் கேசவ விநாயகம், மாநில பொதுச்செயலா் இராம சீனிவாசன், மாவட்ட செயலா் சந்தோஷ் சுப்பிரமணியன் ஆகியோா் முன்னிலை வகித்தனா். ரத ஊா்வலத்தை கேசவ விநாயகம் தொடங்கி வைத்தாா்.

இதைத்தொடா்ந்து மாநிலபொதுச்செயலா் இராம சீனிவாசன் கூறும்போது, நாட்டின் 75-ஆவது சுதந்திர தினத்தை நாடு முழுவதும் கொண்டாட வேண்டும் என்று பிரதமா் நரேந்திர மோடி வேண்டு கோள் விடுத்துள்ளாா். இதன் ஒரு பகுதியாக சுதந்திரப் போராட்ட வீரா்களின் தியாகங்களை போற்றும் விதமாக அவா்களின் உருவப் படங்களை வைத்து விழிப்புணா்வு ரத யாத்திரை தொடங்கப்பட்டுள்ளது. தமிழக அமைச்சா்கள் தேசியக்கொடியை வழங்கியது பெரிதும் பாராட்டக்கூடியது என்றாா்.