மதுரை - செங்கோட்டை ரயில் செப்.5 முதல் 6 நாள்களுக்கு ரத்து

 ரயில் பாதை பராமரிப்புப் பணி காரணமாக மதுரை -செங்கோட்டை-மதுரை சிறப்பு ரயில்கள் செப்டம்பா் 5 முதல் செப்டம்பா் 10 ஆம் தேதி வரை ரத்து செய்யப்படும் என தெற்கு ரயில்வே அறிவித்துள்ளது.

ராஜபாளையம் - சங்கரன்கோவில் பிரிவில் ரயில் பாதை பலப்படுத்தும் பணிகள் நடைபெற உள்ளன. இதன் காரணமாக மதுரையில் காலை 11.30 மணிக்கு புறப்பட வேண்டிய மதுரை - செங்கோட்டை (06663) சிறப்பு ரயில் மற்றும் செங்கோட்டையிலிருந்து காலை 11.50 மணிக்கு புறப்பட வேண்டிய செங்கோட்டை - மதுரை (06664) சிறப்பு ரயில் ஆகியன செப்டம்பா் 5 முதல் செப்டம்பா் 10 ஆம் தேதி வரை முழுமையாக ரத்து செய்யப்படும். தெற்கு ரயில்வே மதுரைக் கோட்ட அலுவலகம் இத் தகவலைத் தெரிவித்துள்ளது.