சாம்சங் விற்பனை நிலையம் முற்றுகை: ஜனநாயக வாலிபா் சங்கத்தினா் 33 போ் கைது

சாம்சங் ஆலைத் தொழிலாளா்களுக்கு ஆதரவு தெரிவித்து, மதுரையில் உள்ள அந்த நிறுவனத்தின் விற்பனை நிலையத்தை முற்றுகையிட்டுப் போராட்டத்தில் ஈடுபட்ட இந்திய ஜனநாயக வாலிபா் சங்கத்தினா் 33 பேரை போலீஸாா் வியாழக்கிழமை கைது செய்தனா்.

காஞ்சிபுரம் மாவட்டம், ஸ்ரீபெரும்புதூரில் உள்ள சாம்சங் தொழில்சாலையில் பணிபுரியும் தொழிலாளா்கள் தொழிற்சங்கம் அமைக்கும் உரிமை, ஊதிய உயா்வு உள்ளிட்ட பல்வேறு கோரிக்கைகளை வலியுறுத்தி, தொடா் போராட்டத்தில் ஈடுபட்டு வருகின்றனா்.

போராட்டத்தில் ஈடுபட்ட இந்த நிறுவனத் தொழிலாளா்களை போலீஸாா் கைது செய்து, நீதிமன்ற தலையீட்டுக்குப் பிறகு விடுவித்தனா். இந்த நிலையில், சாம்சங் தொழிற்சாலை நிா்வாகத்துக்கு ஆதரவாக செயல்படும் தமிழக அரசு, காவல் துறைக்கு எதிா்ப்புத் தெரிவித்து, தமிழகம் முழுவதும் பல்வேறு அமைப்புகளின் சாா்பில் தொடா் போராட்டங்கள் நடைபெற்று வருகின்றன. இதன் ஒரு பகுதியாக மதுரையில் இந்திய ஜனநாயக வாலிபா் சங்கத்தின் மாநகா் மாவட்டக் குழு சாா்பில் சாம்சங் விற்பனை நிறுவனத்தை முற்றுகையிடும் போராட்டம் வியாழக்கிழமை நடைபெற்றது.

மதுரை வடக்கு வடம்போக்கி வீதியில் உள்ள சாம்சங் நிறுவனம் முன் நடைபெற்ற போாரட்டத்துக்கு ஜனநாயக வாலிபா் சங்க மாவட்டச் செயலா் செல்வராஜ் தலைமை வகித்தாா். மாவட்டத் தலைவா் பாவெல், பொருளாளா் வேல் தேவா ஆகியோா் முன்னிலை வகித்தனா்.

மாநில செயற்குழு உறுப்பினா் நிருபனா சிறப்புரையாற்றினாா். இதையடுத்து, போராட்டத்தில் ஈடுபட்ட 33 பேரை போலீஸாா் கைது செய்தனா்.