தொழிலாளா்களின் கோரிக்கைகளை விரைந்து நிறைவேற்ற வேண்டும்: அரசு செயலா் கி. வீரராகவராவ் உத்தரவு

தொழிலாளா் நல வாரியங்களில் பதிவு செய்த உறுப்பினா்களின் கோரிக்கைகளை விரைந்து நிறைவேற்ற வேண்டும் என சம்பந்தப்பட்ட துறை அலுவலா்களுக்கு மாநில தொழிலாளா் நலன், திறன் மேம்பாட்டுத் துறை செயலா் கி. வீரராகவராவ் உத்தரவிட்டாா்.

மதுரையில் உள்ள கூடுதல் தொழிலாளா் ஆணையா் அலுவலகம், தொழிலாளா் இணை ஆணையா் அலுவலகம், தொழிலாளா் உதவி ஆணையா் (அமலாக்கம்), தொழிலாளா் உதவி ஆணையா் (சமூக பாதுகாப்பு திட்டம்) ஆகிய அலுவலகங்களில் மாநில தொழிலாளா் நலன், திறன் மேம்பாட்டுத் துறை செயலா் கி. வீரராகவராவ் புதன்கிழமை ஆய்வு மேற்கொண்டாா்.

அப்போது, தமிழ்நாடு கட்டுமானத் தொழிலாளா் நலவாரியம், தமிழ்நாடு அமைப்புசாரா நலவாரியம், தமிழ்நாடு அமைப்புசாரா தானியங்கி மோட்டாா் வாகனங்கள் பழுது நீக்கும் தொழிலாளா்கள் நலவாரியங்களில் இணைய தளம் வாயிலாக விண்ணப்பிக்கப்பட்டுள்ள பதிவு, புதுப்பித்தல், கேட்பு மனுக்கள் ஒப்பளிப்பு தொடா்பான செயல்பாடுகளை அவா் ஆய்வு செய்தாா்.

இதன் பிறகு அவா் செய்தியாளா்களிடம் கூறியதாவது : மதுரை, தொழிலாளா் உதவி ஆணையா் (சமூக பாதுகாப்பு திட்டம்) அலுவலகம் மூலம் நலவாரியங்களில் பதிவு செய்துள்ள தொழிலாளா்களின் கல்வி, திருமணம், மகப்பேறு, கண் கண்ணாடி, ஓய்வூதியம் உள்ளிட்ட நலத்திட்ட உதவிகள் 2023-2024-ஆம் ஆண்டில் 40,943 பயனாளிகளுக்கு ரூ.31,55,27,682 மதிப்பில் வழங்கப்பட்டது.

இதேபோன்று, 2024- 2025-ஆம் ஆண்டில் தற்போது வரை 27,881 பயனாளிகளுக்கு ரூ.14,30,24,166 வழங்கப்பட்டுள்ளது. மேலும், வாரியங்களில் இணையதளம் வாயிலாக விண்ணப்பிக்கப்பட்டு நிலுவையிலுள்ள கட்டுமான தொழிலாளா்கள் வீட்டு வசதி திட்டத்தின் கீழ் அளிக்கப்பட்ட மனுக்களை விரைந்து முடிக்க வேண்டும் எனவும், தொழிலாளா் உதவி ஆணையா் (அமலாக்கம்) அலுவலகம், சாா்நிலை அலுவலகங்களான தொழிலாளா் துணை ஆய்வா், தொழிலாளா் உதவி ஆய்வா், முத்திரை ஆய்வா் அலுவலகங்களில் இணைய தளம் வாயிலாக விண்ணப்பிக்கப்படும் பல்வேறு தொழிலாளா் நலச் சட்டங்களின் மீதான விண்ணப்பங்களை நிலுவையின்றி முடிக்கவும் சம்பந்தப்பட்ட துறை அலுவலா்களுக்கு உத்தரவிடப்பட்டது என்றாா் அவா்.

இந்த ஆய்வின் போது, மதுரை, கூடுதல் தொழிலாளா் ஆணையா் ஹேமலதா, தொழிலாளா் இணை ஆணையா் பெ. சுப்பிரமணியன் உள்ளிட்ட அலுவலா்கள் பலா் உடனிருந்தனா்.