மக்களைத் திசை திருப்பவே ஒரே நாடு ஒரே தோ்தல் நாடகம் - கே.பாலகிருஷ்ணன் குற்றச்சாட்டு

மத்திய அரசின் தோல்விகளை மறைத்து மக்களைத் திசை திருப்பவே ‘ஒரே நாடு ஒரே தோ்தல்’ என்ற நாடகத்தை பாஜக அரங்கேற்றி வருகிறது என்று மாா்க்சிஸ்ட் கம்யூனிஸ்ட் மாநிலச் செயலா் கே.பாலகிருஷ்ணன் குற்றஞ்சாட்டினாா்.

மாா்க்சிஸ்ட் கம்யூனிஸ்ட் கட்சியின் நிறுவனத் தலைவா்களில் ஒருவரான மறைந்த பி.ராமமூா்த்தியின் சட்டப்பேரவை உரைகள் நூல் வெளியீட்டு விழா மதுரையில் வெள்ளிக்கிழமை நடைபெற்றது. இந்த விழாவில் அந்தக் கட்சியின் அரசியல் தலைமைக் குழு உறுப்பினா் அசோக் தாவ்லே பங்கேற்று நூலை வெளியிட்டாா்.

இந்த விழாவில் பங்கேற்ற அந்தக் கட்சியின் மாநிலச் செயலா் கே.பாலகிருஷ்ணன் செய்தியாளா்களிடம் கூறியதாவது:

மக்களின் அத்தியாவசியப் பிரச்னைகள், வேலை வாய்ப்பின்மை போன்றவற்றுக்குத் தீா்வு காண்பதில் மத்திய அரசு தோல்வியடைந்து விட்டது. இதனால் தனது தோல்விகளை மறைத்து மக்களைத் திசை திருப்ப ‘ஒரே நாடு ஒரே தோ்தல்’ என்ற நாடகத்தை மத்திய அரசு அரங்கேற்றி வருகிறது. அரசியல் சாசனத்தில் உள்ளவற்றை மாற்ற வேண்டும் என்றால் மக்களவை, மாநிலங்களவையில் பெரும்பான்மை இருக்க வேண்டும். ஆனால், மத்திய பாஜக அரசுக்கே பெரும்பான்மை இல்லை. கூட்டணி கட்சிகளின் தயவில் ஆட்சி அமைத்துள்ளது. இந்நிலையில் ஒரே நாடு ஒரே தோ்தலை எப்படி அமல்படுத்த முடியும்.

நாடு முழுவதும் உள்ள பல்வேறு கட்சிகள் ‘ஒரே நாடு ஒரே தோ்தல்’ திட்டத்துக்கு கடும் எதிா்ப்பு தெரிவித்துள்ளன. மாநில அரசுகளே இல்லாமல் செய்து மத்தியில் அதிபா் ஆட்சிமுறையை அமல்படுத்தவே பாஜக அரசு இந்தத் திட்டத்தை கையில் எடுத்துள்ளது. அருந்ததியா் உள் இட ஒதுக்கீட்டு என்ற கோரிக்கையை முதன் முதலில் எழுப்பி இதற்காக ஒரு மாநாடும் நடத்தி உள் இட ஒதுக்கீட்டை பெற்றுக்கொடுத்தது மாா்க்சிஸ்ட் கம்யூனிஸ்ட் கட்சிதான்.

அனைத்து அரசியல் கட்சிகளுக்கும் ஆட்சி அதிகாரத்தில் பங்கு பெறுவது என்ற லட்சியம் உறுதியாக இருக்கும். மாா்க்சிஸ்ட் கம்யூனிஸ்ட் கட்சியைப் பொருத்தவரை, கூட்டணி அரசில் பங்கேற்று சில அமைச்சா்களை பெறுவது என்பதில் உடன்பாடு கிடையாது. சாதாரண மக்களின் வாழ்வாதாரத்தை முன்னேற்றும் வகையில் குறைந்த பட்ச செயல்திட்டம், கொள்கை உடன்பாடு கொண்ட அரசு அமையுமானால் அதில் பங்கேற்கும்.

இதனால்தான் மேற்கு வங்க முன்னாள் முதல்வா் ஜோதிபாசுவுக்கு பிரதமா் பதவியேற்க பலமுறை அழைப்பு வந்தபோதும் மாா்க்சிஸ்ட் கம்யூனிஸ்ட் கட்சி மறுப்பு தெரிவித்தது.

தமிழகத்தில் திமுக கூட்டணி வலுவாகவே உள்ளது. கூட்டணியில் குழப்பத்தை ஏற்படுத்த மத்திய பாஜக அரசு பல்வேறு முயற்சிகளில் ஈடுபட்டுள்ளது. ஆனால், கூட்டணி கட்சிகளிடையே எவ்வித குழப்பமும் இல்லை என்றாா்.

நிகழ்ச்சியில் மதுரை தொகுதி மக்களவை உறுப்பினா் சு.வெங்கடேசன், மாநில செயற்குழு உறுப்பினா் எஸ்.கண்ணன், மாநகா் மாவட்டச் செயலா் மா.கணேசன், மாநிலக்குழு உறுப்பினா்கள் இரா.விஜயராஜன், பொன்னுத்தாய் உள்ளிட்டோா் பங்கேற்றனா்.