குவைத், பஹ்ரைன் மீது மீண்டும் ஈரான் தாக்குதல்! வளைகுடா நாடுகள் கண்டனம்!சீனா சென்றார் டிரம்ப்! அதிபர்கள் ஜின்பிங், புதின் உடன் முத்தரப்பு சந்திப்பு!சோத்துப்பாறை அணையைத் திறந்த தவெகவினர்: எடப்பாடி பழனிசாமி கண்டனம்!தவெக உறுப்பினர் அட்டை இருந்தால் எந்த விதிகளையும் மதிக்கத் தேவையில்லை: கனிமொழிதினமணி இணையதள செய்தி எதிரொலி: அயனாவரம் கழிவுநீர் பிரச்னை! களமிறங்கிய குடிநீர் வாரிய அதிகாரிகள்!!தமிழக காவல்துறையில் புதிய இ-சிஎஸ்ஆர் வசதி அறிமுகம்! இனி ஆன்லைனிலேயே புகார் அளிக்கலாம்!நெல்லையில் காய்ச்சல் பாதிப்பு அதிகரிப்பா? உண்மை நிலவரம் என்ன?

புத்தகத்தின் ஒரு வரிகூட வாழ்க்கையை மாற்றும்: வெ. இறையன்பு

ஒரு புத்தகத்தில் இடம்பெறும் ஒரே ஒரு வரிகூட ஒருவரின் வாழ்க்கையையே மாற்றிவிடும் ஆற்றல் கொண்டது. அத்தகைய வரியைக் கண்டறிவதற்கு பல புத்தகங்களைத் தேடிப் படிக்க வேண்டும் என தமிழக முன்னாள் தலைமைச் செயலா் வெ. இறையன்பு தெரிவித்தாா்.

மதுரை தமுக்கம் மைதானத்தில் புதன்கிழமை நடைபெற்ற புத்தகத் திருவிழாவில் பங்கேற்றோா்.

Updated On :

ஒரு புத்தகத்தில் இடம்பெறும் ஒரே ஒரு வரிகூட ஒருவரின் வாழ்க்கையையே மாற்றிவிடும் ஆற்றல் கொண்டது. அத்தகைய வரியைக் கண்டறிவதற்கு பல புத்தகங்களைத் தேடிப் படிக்க வேண்டும் என தமிழக முன்னாள் தலைமைச் செயலா் வெ. இறையன்பு தெரிவித்தாா்.

மதுரை தமுக்கம் மைதானத்தில் நடைபெற்று வரும் புத்தகத் திருவிழாவின் ஐந்தாம் நாள் நிகழ்ச்சியாக புதன்கிழமை நடைபெற்ற நிகழ்வில், இறையன்பு பங்கேற்று, ‘கொடிது கொடிது முதுமையில் வறுமை’ என்ற தலைப்பில் பேசியதாவது:

ஒரு புத்தகத்தில் இடம்பெற்ற ஒரே ஒரு வரிகூட ஒருவரின் வாழ்க்கையையே மாற்றிவிடும் ஆற்றல் கொண்டது. அத்தகைய வரியைக் கண்டறிவதற்கு பல புத்தகங்களைத் தேடிப் படிக்க வேண்டும். வைரத்தைத் தோண்டி எடுப்பதைப் போல, புத்தகங்களை ஆழ்ந்து வாசிக்கும்போது தான் வாழ்க்கையை மாற்றக்கூடிய கருத்துகள் கிடைக்கும். படிப்பதோடு நின்றுவிடாமல், படித்தவற்றை வாழ்க்கையில் கடைப்பிடிப்பதும் முக்கியம். அப்போதுதான் உண்மையான மாற்றம் ஏற்படும்.

இந்தியாவில் ஆண்களின் சராசரி ஆயுள்காலம் 66 ஆண்டுகளாகவும், பெண்களின் சராசரி ஆயுள்காலம் 69 ஆண்டுகளாகவும் உள்ளது. ஆனால் உலக அளவில் ஜப்பான் உள்ளிட்ட நாடுகளில் சராசரி ஆயுள்காலம் அதிகமாக உள்ளது. தற்போது பெண்களின் சராசரி ஆயுள்காலம் ஆண்களைவிட அதிகமாகியுள்ளது. இதற்கு அவா்கள் தீயபழக்கங்களில் இருந்து விலகி இருப்பதே காரணம்.

இன்றைய சூழலில் இளமையில் வறுமையின் தாக்கம் ஓரளவு குறைந்துள்ளது. பள்ளி மாணவா்களுக்கு சத்துணவு, காலை சிற்றுண்டி, முட்டை, இலவச சீருடை, நோட்டுப் புத்தகங்கள், கல்வி உதவித் தொகை, மிதிவண்டி, இலவசப் பேருந்து பயணம் உள்ளிட்ட பல்வேறு சலுகைகளை அரசு வழங்குகிறது. கல்லூரி மாணவா்களுக்கு மாதந்தோறும் ரூ.1,000 உதவித்தொகை, வெளிநாட்டில் உயா்கல்வி பயில உதவித் தொகை, போட்டித் தோ்வுகளுக்கான பயிற்சி, தங்கும் வசதிகளும் அளிக்கப்படுகின்றன. இதனால் இளமையில் வறுமையின் பாதிப்பு குறைந்து வருகிறது.

முதுமையில் பெண்கள் மன உறுதியுடன் இருக்கின்றனா். ஆண்களும் மனோதிடத்தை வளா்த்துக் கொள்ள வேண்டும். முதுமையில் மகிழ்ச்சியாக வாழ பொருளாதார வசதி அவசியம். வயதான காலத்திலும் தொடா்ந்து பணியாற்றுவது இளமையான உணா்வைத் தரும்.

பல முதியவா்கள் பொருளாதார வசதி இருந்தும், உறவுகளின் அரவணைப்பு இல்லாததால் வாழ்க்கையில் வறுமையை உணா்கின்றனா். தனிமையில் வாடும் முதியவா்களுடன் உறவினா்கள் நேரம் ஒதுக்கிப் பேச வேண்டும். அவா்களின் கருத்துகளைக் கேட்டு, உணா்வுகளுக்கு மதிப்பளிக்க வேண்டும். முதியவா்களுக்குச் செவி கொடுப்பதன் மூலமே அவா்களின் வாழ்க்கையில் நிலவும் வறுமையையும், துயரத்தையும் போக்க முடியும் என்றாா் அவா்.

இந்த நிகழ்வில், மதுரை மாவட்ட சிறப்பு வருவாய் அலுவலா் சக்திவேல், மாவட்ட வருவாய் அலுவலா் ஜெயப்பிரித்தா, மாவட்ட கல்வி அலுவலா் (சுயநிதி) காா்மேகம் ஆகியோா் கலந்து கொண்டனா்.

முன்னதாக, மாவட்ட தொடக்கக் கல்வி அலுவலா் தென்கரை முத்துப்பிள்ளை வரவேற்றாா். மாவட்ட முதன்மைக் கல்வி அலுவலரின் நோ்முக உதவியாளா் ஜவஹா்லால் நேரு நன்றி கூறினாா்.

இதில், பள்ளி மாணவா்கள், வாசகா்கள், பொதுமக்கள் உள்ளிட்ட பலா் கலந்து கொண்டனா்.

மதுரை தமுக்கம் மைதானத்தில் புதன்கிழமை நடைபெற்ற புத்தகத் திருவிழாவின் ஐந்தாம் நாள் நிகழ்வில் பங்கேற்று பேசிய முன்னாள் தலைமைச் செயலா் வெ. இறையன்பு. உடன் மதுரை மாவட்ட சிறப்பு வருவாய் அலுவலா் சக்திவேல், மாவட்ட வருவாய் அலுவலா் ஜெயப்பிரித்தா, மாவட்ட கல்வி அலுவலா் (சுயநிதி) காா்மேகம், தொடக்கக் கல்வி அலுவலா் தென்கரை முத்துப்பிள்ளை  உள்ளிட்டோா்.

மதுரை தமுக்கம் மைதானத்தில் புதன்கிழமை நடைபெற்ற புத்தகத் திருவிழாவின் ஐந்தாம் நாள் நிகழ்வில் பங்கேற்று பேசிய முன்னாள் தலைமைச் செயலா் வெ. இறையன்பு. உடன் மதுரை மாவட்ட சிறப்பு வருவாய் அலுவலா் சக்திவேல், மாவட்ட வருவாய் அலுவலா் ஜெயப்பிரித்தா, மாவட்ட கல்வி அலுவலா் (சுயநிதி) காா்மேகம், தொடக்கக் கல்வி அலுவலா் தென்கரை முத்துப்பிள்ளை உள்ளிட்டோா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.