புத்தகங்கள் வாசிக்கப்படுவதே எழுத்தாளருக்கு பெருமை! - வெ. இறையன்பு

புத்தகங்கள் வாசிக்கப்படுவதே எழுத்தாளருக்கு பெருமை என எழுத்தாளா் வெ. இறையன்பு தெரிவித்தாா்.

கோவை விஜயா பதிப்பகம், மேலூா் துருவம் அறக்கட்டளை ஆகியன சாா்பில், எழுத்தாளா் ந.முருகேசபாண்டியன் தொகுத்த ‘இறையன்பு பன்முகப் பாா்வை’ எனும் நூல் அறிமுக விழா மதுரை மாவட்டம், மேலூரில் உள்ள மூவேந்தா் பண்பாட்டு கழகத்தில் ஞாயிற்றுக்கிழமை நடைபெற்றது.

இந்த விழாவுக்கு ஜாஸ் பப்ளிக் மெட்ரிக் பள்ளித் தாளாளா் ஜா.ஜெயந்த் வேதசாம் தலைமை வகித்தாா். சாகித்திய அகாதெமி விருது பெற்ற எழுத்தாளா் எஸ்.ராமகிருஷ்ணன் அறிமுக உரையாற்றினாா்.

இதில் எழுத்தாளா் ந.முருகேசபாண்டியன் தொகுத்த ‘இறையன்பு பன்முகப் பாா்வை’ எனும் நூலை முன்னாள் தலைமைச் செயலரும், எழுத்தாளருமான வெ. இறையன்பு வெளியிட்டாா்.

இதைத் தொடா்ந்து, அவா் பேசியதாவது:

டி.எஸ். எலியட் எழுதிய ‘கரி நிலம்’ என்கிற கவிதை நூல் 80 பக்கங்களுக்கு மேல் இருந்தது. இதை எஸ்ரா பவுண்ட் என்பவா் 19 பக்கங்களாகச் சுருக்கித் தந்தாா். இந்தச் சுருக்கமான கவிதை நூலுக்கே நோபல் பரிசு கிடைத்தது. எழுத்தாளரின் படைப்பை வேறு ஒருவா் படித்து, அதைத் தன் பாா்வையில் செப்பனிடுவது எழுத்தாளா்களை மென்மேலும் மெருகூட்டும்.

எழுத்தாளா்களின் வெற்றிக்கு அவரது குடும்பத்தின் முழுமையான ஆதரவு மிகவும் அவசியம். இந்த வகையில், எழுத்தாளா் முருகேசபாண்டியன் குடும்பத்தினரின் ஆதரவுடன் மிகக் குறுகிய காலத்தில் எனது நூல்களை வாசித்துத் தொகுத்தாா். விஜயா பதிப்பகத்துக்கும், எனக்குமான தொடா்பு ஏறக்குறைய 45 ஆண்டுகள் கடந்து விட்டன.

நல்ல சிந்தனைகள் எங்கிருந்து வேண்டுமானாலும் வரலாம். எழுத்தைப் பதிவு செய்வதில் எழுத்தாளா்கள் கவனமாக இருக்க வேண்டும். பதிவுகள் மிக முக்கியமானவை என்பதை உணா்ந்து, ஆழமான சித்தாந்தத்தின் அடிப்படையில் எழுத்தாளா்கள் செயல்பட வேண்டும். இன்றைய இளம் தலைமுறையினா் நல்ல நூல்களை தேடி படிக்க வேண்டும். புத்தகங்கள் வாசிக்கப்படுவதே எழுத்தாளருக்கு பெருமை என்றாா் அவா்.

இந்த நிகழ்வில், நூலாசிரியா் ந. முருகேசபாண்டியன் நோக்க உரையாற்றினாா். எழுத்தாளா்கள், பள்ளி, கல்லூரி மாணவ, மாணவிகள், துருவம் அமைப்பினா் பலா் கலந்து கொண்டனா்.

முன்னதாக, துருவம் அறக்கட்டளை நிா்வாகி ப்ரீத்தி முரளி வரவேற்றாா். கோவை விஜயா பதிப்பகத்தின் உரிமையாளா் மு.வேலாயுதம் நன்றி கூறினாா்.