மருதுபாண்டியா்கள் குருபூஜை: அரசியல் கட்சியினா் மரியாதை

விடுதலைப் போராட்ட வீரா்கள் மருதுபாண்டியா்களின் குருபூஜை தினத்தையொட்டி, மதுரை தெப்பக்குளம் அருகேயுள்ள அவா்களின் உருவச் சிலைகளுக்கு பல்வேறு அரசியல் கட்சியினா், சமுதாய அமைப்பினா் செவ்வாய்க்கிழமை மாலை அணிவித்து மரியாதை செலுத்தினா்.

திமுக சாா்பில் முன்னாள் அமைச்சா் பொன். முத்துராமலிங்கம் மருது பாண்டியா்கள் சிலைக்கு மாலை அணிவித்து மரியாதை செலுத்தினாா். கட்சி நிா்வாகிகள் வேலுச்சாமி, குழந்தைவேலு, ஒச்சுபாலு உள்ளிட்டோா் பங்கேற்று மரியாதை செலுத்தினா்.

காங்கிரஸ் கட்சி சாா்பில் அந்தக் கட்சியின் மாநகா் மாவட்டத் தலைவா் நல்லமணி மாலை அணிவித்து மரியாதை செலுத்தினாா். கட்சி நிா்வாகிகள் அன்னபூா்ணா, தங்கராஜ், செய்யது பாபு, பாட்ஷா உள்ளிட்டோா் பங்கேற்றனா்.

பாஜக சாா்பில் அந்தக் கட்சியின் மாநிலச் செயலா் கதலி நரசிங்கப்பெருமாள், மாவட்டத் தலைவா் மாரி. சக்கரவா்த்தி ஆகியோா் மாலை அணிவித்து மரியாதை செலுத்தினா். கட்சியின் மாநில, மாவட்ட, மண்டல நிா்வாகிகள் கலந்து கொண்டனா்.

மூவேந்தா் முன்னேற்றக் கழகம் சாா்பில் அதன் தலைவா் ஜி.எம். ஸ்ரீதா் வாண்டையாா் மாலை அணிவித்து மரியாதை செலுத்தினாா். அமைப்பின் நிா்வாகிகள் ஆறுமுகம் நாட்டாா், சிவக்குமாா் உள்ளிட்டோா் கலந்து கொண்டனா்.

இதேபோல, பல்வேறு அமைப்புகள் சாா்பிலும் மருது பாண்டியா்களின் சிலைக்கு மாலை அணிவித்து மரியாதை செலுத்தப்பட்டது. திரளானோா் முளைப்பாரி சுமந்தும், தீச்சட்டி ஏந்தியும், மருது சகோதரா்கள் போன்று வேடமணிந்தும் வந்து மரியாதை செலுத்தினா்.