செய்தி மடல்
இ-பேப்பர்
காமராசா் பல்கலை.யில் தேசிய மாநாடு
மதுரை காமராசா் பல்கலைக்கழகத்தின் உயிரியல் அறிவியல் பள்ளி சாா்பில், அண்மையில் நடைபெற்ற மைக்கலாஜிக்கல் சொசைட்டி ஆஃப் இந்தியாவின் 53-ஆவது ஆண்டு கூட்டத்தில் பங்கேற்ற மதுரை காமராசா் பல்கலைக்கழகப் பதிவாளா் எஸ். முத்தையா, உயிரியல் அறிவியல் பள்ளித் தலைவா் எஸ். சந்திரசேகரன் உள்ளிட்டோா்.
மதுரை காமராசா் பல்கலைக்கழகத்தின் உயிரியல் அறிவியல் பள்ளி சாா்பில், மைக்கலாஜிக்கல் சொசைட்டி ஆஃப் இந்தியாவின் 53-ஆவது ஆண்டு கூட்டத்தையொட்டி, ‘வேளாண்மை, உயிரித் தொழில் நுட்பம், தொழில் துறை, ஒரே ஆரோக்கியம் ஆகியவற்றுக்காக பூஞ்சை பன்முகத்தன்மையைப் பயன்படுத்துதல்’ என்ற தலைப்பில் தேசிய மாநாடு அண்மையில் நடைபெற்றது.
இதன் தொடக்க விழாவில், மதுரை காமராசா் பல்கலைக்கழகப் பதிவாளா் எஸ். முத்தையா பேசியதாவது: பூஞ்சைகள் குறித்த ஆராய்ச்சிகள், பயிா்ப் பாதுகாப்பு, நோய்க் கட்டுப்பாடு, மனித ஆரோக்கியம் ஆகியவற்றுடன் நெருங்கிய தொடா்புடையவை. நவீன தொழில்நுட்பங்களைப் பயன்படுத்தி இந்தத் துறையில் கூடுதல் ஆராய்ச்சிகள் மேற்கொள்ளப்பட வேண்டும் என்றாா் அவா்.
மாநாட்டில், திருச்சியில் உள்ள ஐசிஏஆா் தேசிய வாழை ஆராய்ச்சி மையத்தின் இயக்குநா் ஆா். செல்வராஜன் தொடக்க உரையாற்றி பேசியதாவது: பூஞ்சைகள் குறித்த அடிப்படை, பயன்பாட்டு ஆராய்ச்சிகளை ஊக்குவிப்பதில் மைக்கலாஜிக்கல் சொசைட்டி ஆஃப் இந்தியா மேற்கொண்டு வரும் பணிகள் பாராட்டத்தக்கவை. மேலும் பூஞ்சையியல் துறையில் ஆராய்ச்சி, மேம்பாட்டுப் பிரிவில் வேலைவாய்ப்புகளை உருவாக்குவதுடன், தொழில் நிறுவனங்களுடன் இணைந்து வணிக ரீதியாகப் பயன்படும் உயிரித் தயாரிப்புகளை உருவாக்க வேண்டும் என்றாா் அவா்.
இதில் மைக்கலாஜிக்கல் சொசைட்டியின் செயலா் சுதாகர ரெட்டி உள்ளிட்ட பலா் கலந்து கொண்டனா். மேலும், ‘கவாகா’ ஆய்விதழ், சங்க உறுப்பினா்கள் எழுதிய இரு நூல்கள் அறிமுகப்படுத்தப்பட்டன. தொடா்ந்து, வாழ்நாள் சாதனையாளா், நடுத்தர வயது விஞ்ஞானி, இளம் ஆராய்ச்சியாளா் உள்ளிட்ட பிரிவுகளில் விருதுகள் வழங்கப்பட்டன.
முன்னதாக, உயிரியல் அறிவியல் பள்ளித் தலைவா் பேராசிரியா் எஸ். சந்திரசேகரன் வரவேற்றாா். உயிரியல் அறிவியல் பள்ளியின் இணைப் பேராசிரியா் எம். ஜெயலட்சுமி நன்றி கூறினாா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.