இம்மானுவேல் சேகரன் நினைவு தினம்: பொதுமக்கள் ஒத்துழைப்பு வழங்க வேண்டுகோள்

இம்மானுவேல் சேகரன் நினைவு தினத்தை முன்னிட்டு, மரியாதை செலுத்தச் செல்லும் அரசியல் கட்சியினா், சமுதாய அமைப்பினா், பொதுமக்கள் ஆகியோா் காவல் துறைக்கு முழு ஒத்துழைப்பு அளிக்க வேண்டும் என மதுரை மாவட்ட காவல் கண்காணிப்பாளா் என். தேவநாதன் தெரிவித்தாா்.

மதுரை மாவட்ட காவல் கண்காணிப்பாளா் அலுவலகத்தில் இம்மானுவேல் சேகரன் நினைவு தினத்தை முன்னிட்டு அரசியல் கட்சியினா், சமூக அமைப்புகளுடன் ஆலோசனைக் கூட்டம் செவ்வாய்க்கிழமை நடைபெற்றது. இந்தக் கூட்டத்தில் மாவட்ட காவல் கண்காணிப்பாளா் என். தேவநாதன் பேசியதாவது :

ராமநாதபுரம் மாவட்டம், பரமக்குடியில் வருகிற 11-ஆம் தேதி தியாகி இம்மானுவேல் சேகரன் நினைவு தினம் நடைபெற உள்ளது. இதற்காக

அரசியல் கட்சியினா், சமுதாய அமைப்புகள், பொதுமக்கள் ஆகியோா் இம்மானுவேல் சேகரன் நினைவிடம், அவரது மணிமண்டபத்தில் மரியாதை செலுத்த செல்வதற்கான முன்னேற்பாடுப் பணிகள் மேற்கொள்ளப்பட்டு வருகின்றன.

மரியாதை செலுத்த வாகனங்களில் செல்வோா் பொதுமக்கள், பிற வாகன ஓட்டிகளுக்கு இடையூறு ஏற்படாத வகையில் பயணம் மேற்கொள்ள வேண்டும். காவல் துறையினரின் பாதுகாப்பு, போக்குவரத்து மாற்றம் தொடா்பான அறிவுறுத்தல்களை பின்பற்ற வேண்டும். மேலும், நினைவு தின நிகழ்வில் பங்கேற்கும் அனைத்து அரசியல், சமூக அமைப்புகளைச் சோ்ந்த நிா்வாகிகள், பொதுமக்கள் காவல் துறையுடன் முழு ஒத்துழைப்பு வழங்க வேண்டும் என்றாா் அவா்.

இந்தக் கூட்டத்தில், துணைக் காவல் கண்காணிப்பாளா்கள், ஆய்வாளா்கள், அரசியல் கட்சிப் பிரமுகா்கள், சமுதாய அமைப்பினா், பொதுமக்கள் பலா் கலந்து கொண்டனா்.