கமுதி அருகே சிவகாளியம்மன் கோயிலில் ஆடித் திருவிழா

கமுதி அருகே ஆடித் திருவிழாவை முன்னிட்டு, பக்தர்கள் நேர்த்திக்கடனை செலுத்தும் விதமாக செவ்வாய்க்கிழமை சிவகாளியம்மன் கோயிலுக்கு பால்குடம், அக்னிச் சட்டி எடுத்துச் சென்றனர். 
குண்டுகுளம் கிராமத்தில் அமைந்துள்ள இக்கோயில் ஆடித் திருவிழாவை முன்னிட்டு, 108 பால்குடம் , அக்னிச் சட்டி, முடிக் காணிக்கை, அன்னதானம் உள்ளிட்ட நிகழ்ச்சிகள் நடைபெற்றன.     பால்குட ஊர்வலமானது, குண்டுகுளம் பிள்ளையார் கோயிலில் தொடங்கி, ஊர்க்காவலன் கோயில் மற்றும் ஊரின் முக்கிய வீதிகளின் வழியே சென்று மீண்டும்  ஸ்ரீசிவகாளியம்மன் கோயிலை அடைந்தது. இதையொட்டி, அம்மனுக்கு பாலாபிஷேகம், சிறப்புப் பூஜைகள், அன்னதானம், தீபாராதனை நிகழ்ச்சிகள் நடைபெற்றன.