சாலையோரத் தடுப்பில் காா் மோதியதில் 9 போ் காயம்

பரமக்குடி அருகே நான்கு வழிச்சாலையில் இமானுவேல் சேகரன் நினைவிடத்துக்கு மரியாதை செலுத்தச் சென்றவா்களின் காா் சாலையோரத் தடுப்புச் சுவரில் மோதியதில் 9 போ் காயமடைந்தனா்.

நாமக்கல் மாவட்டம், கொசவம்பட்டி கிராமத்தைச் சோ்ந்த மகாலிங்கம் மகன் அா்ஜூன் (26), பெரிசாமி மகன் ரஞ்சித்குமாா் (21), சந்திரமோகன் மகன் ரணில்குமாா் (21), பழனியப்பன் மகன் பிரசாந்த் (19), காா் ஓட்டுநா் ஜெயசந்திரன் மகன் சரத்குமாா் (24) உள்பட 9 போ் காரில் பரமக்குடியில் இமானுவேல் சேகரன் நினைவிடத்துக்கு மரியாதை செலுத்தச் சென்றனா்.

பரமக்குடி அருகேயுள்ள கமுதக்குடி நான்கு வழிச்சாலை பகுதியில் சென்று கொண்டிருந்தபோது, அவா்கள் வந்த காா் நிலைதடுமாறி சாலையோரத் தடுப்புச் சுவரில் மோதியது. இதில் காரில் வந்த ஓட்டுநா் உள்பட 9 பேரும் காயமடைந்த நிலையில் பரமக்குடி அரசு மருத்துவமனையில் அனுமதிக்கப்பட்டனா்.

இவா்களில் பலத்த காயமடைந்த அா்ஜூன், ரஞ்சித்குமாா், ரணில்குமாா் ஆகிய 3 பேரும் மதுரை அரசு ராஜாஜி மருத்துவமனைக்கு தீவிர சிகிச்சைக்காக கொண்டு செல்லப்பட்டனா். இந்த விபத்து குறித்து பரமக்குடி நகா் காவல் நிலைய போலீஸாா் வழக்குப் பதிந்து விசாரிக்கின்றனா்.