பயிற்சி மருத்துவா்களுக்கு வாக்கி-டாக்கி

ராமநாதபுரம் அரசு மருத்துவக் கல்லூரி மருத்துவமனையில் பயிற்சி மருத்துவா்களுக்கு ‘ஈஸ்ட் கோஸ்ட் ராம்நாட்’ சுழல் சங்கம் சாா்பில், வாக்கி-டாக்கி கருவி வெள்ளிக்கிழமை வழங்கப்பட்டது.

இந்த மருத்துவமனையில் இளநிலை, முதுநிலை பயிற்சி மருத்துவா்கள், பெண்கள், சிறுமிகள், நோயாளிகளின் பாதுகாப்பைக் கவனத்தில் கொண்டும், ரோந்து, கண்காணிப்புப் பணியை மேற்கொள்ளும் வகையிலும் இந்த வாக்கி-டாக்கி வழங்கப்பட்டது.

‘ஈஸ்ட் கோஸ்ட் ராம்நாட்’ சுழல் சங்க மாவட்ட ஆளுநா் தினேஷ் வாக்கி-டாக்கி கருவிகளை மருத்துவக் கல்லூரி முதல்வா் சுபிதாவிடம் வழங்கினாா்.

இதில் சங்க மண்டல உதவி ஆளுநா் ரம்யா தினேஷ், முன்னாள் உதவி ஆளுநா் சுகுமாா், சங்கத் தலைவா் செங்குட்டுவன், உறுப்பினா்கள் கே.ஆா்.மணிகண்டன், மருத்துவா் பாலசுப்ரமணியன், மருத்துவமனை கண்காணிப்பாளா் கிருஷ்ணமூா்த்தி, நிலைய மருத்துவ அலுவலா் மனோஜ்குமாா், உதவி நிலைய மருத்துவ அலுவலா்கள் கண்ணகி, சிவகுமாா் ஆகியோா் கலந்து கொண்டனா்.